A 22 Manos

Intagram: [@a22manos https://www.instagram.com/a22manos/


Comentarios: 22 manes, 11 cocineros mozos con restorán n'Asturies, diéronse cita'l pasáu día 27 na Torre Restorán del Centru Niemeyer d'Avilés. Les nueves promeses de la cocina asturiana, que yá lleven siendo una realidá dende va años, axuntense pa entamar un eventu benéficu a favor de l'Asociación Rey Aurelio de Samartin del Rei Aurelio


70 persones con una entrada de 50€ donada dafechu a l'asociación, a la que se va sumar una segunda parte con una puya n'internet de productos donaos por cocineros tan famosos como Nachu Manzano, Berasategui o Eneko Atxa.


Una llocura entamada por Juan Pablo Pérez, dueñu del restorán avilesín Apiñón Bistró, con Iratxe Miranda de maestra de ceremonies del Yume, na que se rindió homenaxe a la familia Manzano pol so 25 aniversariu de Casa Marcial, cola presencia d'Esther Manzano.


Ellí xuntóse los meyor de la nueva fornada de cocineros asturianos. Por orde alfabéticu. Abrelatas. A Qatar Gastronomía. Apiñón Bistró. Cabo Busto. Casa Farpón. El Pintu. El Quintu. Eseteveinte. Los Llaureles. Meeting Point. Yume.


Cada cocineru presentó dos o trés tapes, representatives de la so gastronomía, pa los 70 asistentes. Unes yá vieyes conocíes de los sos restoranes, y otres creaes n'esclusiva pa esti eventu. Un preste ver tanta xente na cocina, caún col so equipu, pero llegáu'l momentu, toos collaborando con toos, con perbon rollu (asegúrovos que naide-y tiró una siella a naide :)) y sabiendo que percima de too, taba lo recaldao pa l'asociación Rei Pelayo.


Ostra con Panceta adobada, zusmiu de carne, aire d'encurtios y alfabaca (Pablo Pérez - Apiñón Bistró)


Flan de tomatillo y xalapeñu, atún y tomburi (Adrián Santuyano - Yume)


Foie, cacáu y pelo d'ánxel. (Manuel Suárez - Eseteveinte)


Tortu azteca (Mariano Mier - El Quintu)


Bombón de carrillera de gochu guisada al Porto (Borja Alcázar . Abrelates)


Salpicón de centolla y mazana (Diego García - El Pintu)


Bombón de quesu pría y dulce de mazana (Carlos Gallego - Los Llaureles)


Cogordes con espluma y aire de packchoi llicuáu y llima (Luis Menéndez - A Qatar Gastronomía)


Croqueta cremosa de xamón (Javier Farpón - Casa Farpón)


Bonitu del norte, sopa de tomate y fenoyu, curru verde (Manuel Suárez)


Espinaca cruxente, gamba d'Huelva y la so mousse y ayu negru de cocu y yuzu (Mariano Mier)


Nem de pixín, sidra y mazana (Javier Farpón)


Chicharrón de pitu y oxalis (Adrián Santuyano)


Tacu de cochifrito de corderu (Carlos Gallego)


Bocaín de rabu y miga de té matcha y amareto (Luis Menéndez)


Fabes verdines con pita pinta (versión en branu) (Borja Alcázar)


Caldereta de cabritu de peña (Diego García)


Xeláu de quivi pravianu, crema de requesón y setu d'abeya (Pablo Pérez)


Ámbare de freses picantes y afumaes (Adrián San Julian)


Hoxaldre prensáu, cruxente d'ablana, mousse d'ablana cruda, mazana al carambelu y velu de sidra (Jonathan Ovalle - Cabu Bustu)


Piña colada (Jonathan Ovalle)


Y pa terminar, Apple hands (Jorge Serrano - Meeting Point). Un cóctel nidiu y con un toque de mazana.


Como veis, hubo de too y variáu. Una representación de la nueva cocina asturiana, en pequeños bocaos y cada cocineru col so apurre particular.


Amás, cuntamos cola presencia de Pascual y Begoña de Rey Silo, que nos presentaron una mesa colos sos quesos.


Un entamu maraviyosu, qu'esperemos que tenga toles ediciones del mundu, que vaiga ameyorando los fallos normales de la primer edición y que se convierta nun referente añal n'Asturies.

0 comentarios :

Publicar un comentario