Nueva Visita: L'Espumeru

Señes: C/Julian Duro, 22 - La Felguera
Teléfonu: 985 696 625


Calidá: 4/5
Preciu: 20€


Facebook: https://www.facebook.com/Brew-Pub-Espumeru-Curuxera-Brewery
Twitter: [@curuxerabrewery] https://twitter.com/curuxerabrewery
Intagram: [@curuxerabrewery] https://www.instagram.com/curuxera/


Anterior Visita: https://lesfarturesast.blogspot.com/2017/05/nueva-visita-lespumeru.html


Somos habituales de L'Espumeru. Una de les cerveceríes más guapes de toles que conocemos nel mundiu (y van unes cuantes), qu'amás viende la so propia cerveza, ellaborada en micro-cervecería amiesta al local (que vais poder cucar dende una ventana) y que, dende fai más d'un añu, tien un enorme y preciosu fornu de lleña onde ellabora pizzes (amás de serviciu de cocina complementariu).


¿Cuálos son les principales novedaes dende la última visita? Lo primero, que Curuxera, la so cerveza, sigui evolucionando y cada vez ye meyor. Amás, los reis traxeron un par de fermentadores nuevos que van añedir ufierta a les 5 cerveces qu'ellabora davezu. Segundu, que los sos pizzes tán perbones, pero l'auténtica estrella ye la pizza del mes, onde Hugo dexa volar la so imaxinación y sospriéndenos mes a mes. Y terceru, qu'agora puedes llevate la to llata de cerveza Curuxera acabante d'echar del cañero a casa en vivu y en directu.


Les sos cerveces son 5. Yankee, una APA llupulada y amargosa; Trigu, al estilu clásicu alemán; Conventín, una cerveza clásico belga, más alcoholica y con un toque dulzuxu; Strix, una stout (negra) perfeuta pa postres y chocolate; y Pilxen, una rubia clásica nidia. Toes acabantes d'ellaborar, ensin pasteurizar, ensin penerar y bien fresques. Caúna pa cada momentu.


Amás, ye de los pocos locales qu'ufierta en cañero Apple, sidra brut de Viuda de Angelón, una práctica que debería estendese más.


Empezamos con una Ensalada Caprese. Tomates, mozzarella, alfabaca, oriéganu y aceite de pesto. Refrescante y xenial cola cerveza. Perfecta de mano.


Como Pizza del mes teníen Picadiellu de Xabalín y Venao con unos güevos de Falpayar. Espectacular. Pero nós pidimos un 4 Estaciones, un pocu más llixera y que ta bien bona.

A los postres nun solemos llegar, anque tienen una tarta de quesu casero que ye d'otru mundiu. Mui recomendable.


Pagamos 25€. Cerveza artesano, acabante d'ellaborar y ún de los pocos fornos de lleña d'Asturies.


Aceuta TicketsRestaurant

0 comentarios :

Publicar un comentario