Teléfonu: 984 045 505
Instagram: [@el_pintu_laviana] https://www.instagram.com/el_pintu_laviana/
Señes: Mamorana - La Pola Ḷḷena
Teléfonu: 985 493 848
Web: http://www.casafarpon.com/
Facebook: https://www.facebook.com/CasaFarpon/
Twitter: [@casafarpon] https://twitter.com/casafarpon
Instagram: [@casafarpon] https://instagram.com/casafarpon
CASA FARPÓN
Señes: Mamorana - La Pola Ḷḷena
Teléfonu: 985 493 848
Web: http://www.casafarpon.com/
Twitter: [@casafarpon] https://twitter.com/casafarpon
Instagram: [@casafarpon] https://instagram.com/casafarpon
Calidá: 4/5
Preciu: 40€
Anterior Visita: https://lesfarturesast.blogspot.com/2019/08/el-pintu-collacios-eseteveinte.html
Comentarios: Muncho méritu lo que ta faciendo Diego d'El Pintu en Llaviana. Adulces va pasando lo meyor de la cocina asturiana, nunes xornaes que tán siendo un ésitu de públicu total, y que, per primer vegada, tuvieron que doblar día por cuenta l'alta demanda. Los dos díes llenu, ente selmana y pel hibiernu, y con xente en llista d'espera. ¿Tien méritu o non? Pos preparaos, porque darréu hai más con nuevos invitaos.
Comentarios: Muncho méritu lo que ta faciendo Diego d'El Pintu en Llaviana. Adulces va pasando lo meyor de la cocina asturiana, nunes xornaes que tán siendo un ésitu de públicu total, y que, per primer vegada, tuvieron que doblar día por cuenta l'alta demanda. Los dos díes llenu, ente selmana y pel hibiernu, y con xente en llista d'espera. ¿Tien méritu o non? Pos preparaos, porque darréu hai más con nuevos invitaos.
Nesta ocasión la vez tocó-y a ún de los nuesos cocineros favoritos, Javi de Casa Farpón. Dende Mamorana, La Pola Ḷḷena (¿cuál ye la cuenca bona y la cuenca mala? 😈), con una propuesta que presta pola vida. Cocineru criáu en casa Marcial, Auga y Regueiro, que decidió entamar la so propia aventura iguando l'antigua corte del sigo XIX del so güelu nel so pueblu. Un sitiu preciosu, con una encantu especial y con una cocina qu'entemez a la perfección tradición y vanguardia.
Amás, foi la presentación oficial de la nueva aventura de Borja Alcázar (Abrelatas) y los sos Ultramarinos Encarnita, Monticu. Una reinvindicación al vinu de siempre, de tomar en barra, frescu, llixeru y de poco grau. Como los d'enantes, como los vinos de casa. Son vinos encargaos a una bodega de Llión (mientres crecen los viñeos que Borja llantó en Sariegu pa los qu'entá queden unos años). Tien dos variedaes, Clarete y Tintu, yá'l Clarete ta buenísimo, pa beber botelles ensin parar (que foi lo que nos pasó a nós).
Empezamos con Tiez d'Arroz con Navayes d'El Pintu. Una socarrat templao, con un toque picante que-y daxuna intensidá de sabor xenial. Xenial les testures. Eso sí, el platu ganaría caliente.
Siguimos con Croquetes de Xamón Ibéricu. De Farpón. Una de les meyores croquetes d'Asturies. Espectaculares. Perfectes.
Monizueles de Corderín, Vieires y Sidre. Diego ye un maestru en faer estes combinaciones. Zamburiña espectacular, con unes monizueles bien riques. Xuegu de contrastes y sabores. Bien ricu.
Panceta Encurtía, Xugu de Callos y Repollu Encurtíu. De los mios favoritos de la nueche. Maraviyosu. La panceta buenísima, pero ye que'l caldu ... acabamos bebiéndolu. Buenísimo.
Pexe de Roca y Esquites de Gochu a l'asturiana. Golondru (Rubio o Bejel en castellán) con manes de gochu. Ganen n'intensidá les manes, un platu intensu, pa xugar colos contrastes y les testures. Bien ricu.
Corderu a l'Estaca de Javi. Foi'l nuesu platu favoritu de la nueche. Perfeutu. El corderu desfaise, con un mueyu con sabor a llechuga y acompañao d'unes pataques. Una maravía.
De postres, Remolacha, Frutos Roxos y Yogurt. Remolacha n'espluma, con sabor a nube. Perfectu pa camudar el sabor y enfrescar.
Mui rico.
Y acabamos con Café, Chocolate y Té prietu. Postre brutal, una especie de mousse de chocolate blancu y un sabor a los bocaos de nocilla de cuando yéramos pequenos. Buenísimo.
En mesa, pa beber, amás de Monticu, pudimos esfrutar de Cerveza Cotoya. Una cerveza de tipu inglesa (strong bitter) de 5,6%. Tien bona espluma, color marrón. Arumes a malta con un toque de carambelu. Y sabor que convida siempres a otru tragu. Malta y un toque amargosu a la fin. Una cerveza qu'entra sola. Bien bona y perfecta pa empezar. Amás 100% asturiana.
Talentu puro de dos cocineros nuevos que-y tán dando una vuelta a la gastronomía asturiana a los sos oríxenes. Técnica, nueves combinaciones, pero siempres col productu de la casa por bandera y reinvindicándolo, caún na so cuenca, pero alloñaos de los grandes núcleos urbanos. Tenemos muncha suerte de poder esfrutalos.
No hay comentarios
Publicar un comentario