Publicidá

Blog Archive

Contact Me

Nombre

Correo electrónico

Mensaje

Hover Setting

default

El Pintu & Collacios - Apiñón Bistró



Señes: Calle de la Libertad, 11 - La Pola Llaviana
Teléfonu: 984 045 505


Instagram: [@el_pintu_laviana] https://www.instagram.com/el_pintu_laviana/


APIÑÓN BISTRÓ

Señes: Calle Galiana, 30 - Avilés
Teléfonu: 984 390 398

Facebook: https://www.facebook.com/apinontapas/
Instagram: [@apinon_bistro] https://www.instagram.com/apinon_bistro/


Calidá: 4/5
Preciu: 40€
Anterior Visita: https://lesfarturesast.blogspot.com/2019/10/el-pintu-collacios-casa-farpon.html


Comentarios: Les cenes mensuales d'El Pintu & Collacios tienen munches coses bones; conoces otros cocineros que desconocíes, compruebes cómo se porten cocineros fora'l so ambiente, fidelices vecería o atraes nueva, das a conocer Llaviana ... pero lo meyor ye oldear y ver como se complementen dos cocines, que pueden dir na mesma llínea o ser dafechu estremaes.

Nesti casu, la cocina del Pintu cola cocina del Apiñón, vieyos conocíos d'Avilés, nun tien nada que ver. Sí que son los dos conceutos "pocu formales", pero Apiñón mira más pa lo oriental y El Pintu escontra Llaviana como epicentru d'Asturies. Por eso estes cenes son tan prestoses, porque, gústete más un conceutu o otru (o los dos), siempres vas aprender y a esfrutar.


Pa beber, Zuazo Gaston Monovarietal Viura. Facilón, con un toque afrutáu, y qu'empezó a tener problemes col picadiellu. Entra solo.



Empezó Apiñón Bistró con una Ensalá de Tremella. Tremella cruxente, con una testura brutal, y oldeáu na parte cimera con berenxena afumada, pimientu verde, colloráu y esferificaciones d'anchoa. Sorprendente.


El Pintu ufiertónos el so Empaná de Cabritu. Espectacular. Cruxente d'hoxaldre relleno de cabritu. Contundente, pa rellamber los deos y con una intensidá de sabor brutal. Tien un toque picante que-y queda xenial. Vien presentáu con eses servilletas mítiques que tenía la to güela.


Mantou de Papada, Güevu de Falpayar y Txatziki. Un clásicu d'Apiñón Bistró que nos encanta. Otru platu pa comer cola mano. El güevu esplota na boca, y contraste de llima, pepinu, yogur ... cola base duce y a planchr del mantou. Bien ricu.


Tortiella de Picadiellu. Güevu a baxa temperatura, pataca y picadiellu, coronáu por un pocu de cebollu. Pa entemecer tou y comer cola cuyar. El picadiellu ta espectacular. Soltamos un "buaaaa" na mesa cuando la probemos de lo fuerte que taba. Xenial.


Pal siguiente platu, encamentáronnos camudar al tintu. Y foi un aciertu. Zuazo Gaston Crianza 2016. Un Rioja clásicu, quiciabes un pocu más fuerte de lo habitual. Muncho meyor que'l blancu.


Merluza del Pinchu Agriduz. Otru de los clásicos d'Apiñón. Dos bonos cachos de merluza, que costó acabar, con esi mueyu tan característicu.


Acabamos cola carne, d'El Pintu. Albóndigues del País (Asturcelta y Asturiana de los Valles). Gana la xata, que taba bien fuerte. Mueyu de boniato y calabaza. Gustónos más el conceutu que la execución.


Pa los postres, Lichi y Mazana. D'Apiñón Bistró. Lichi rellenu de xeláu d'anís y violeta. Vien acompañáu amás d'un dadu de mazana bañada en ron con zucre moreno.


Y acabamos col postre de Oliver, d'El Pintu. La Saint Honoré. Mousse de chocolate blancu y mascarpone, interior de compota de pera, cruxente d'ablana, sablé de cacáu y chouquettes de carambelu saláu. Una bomba, que taba espectacular. De lo meyor de la cena.


Como veís, dos estilos dafechu distintos, pero que nos fixeron esfrutar a esgaya. Dos díes ente selmana y los dos col cartelu de Completu. Daqué especial pasa en Llaviana que nun te puedes perder. El mes que vien, más ...


No hay comentarios

Publicar un comentario