Nueva Visita: Narciandi

Señes: Carretera AS-246, Km 8, 33189 Alto de la Madera, Gijón/Xixón
Teléfonu: 985 168 248

Facebook: https://www.facebook.com/Casa-Narciandi-Casa-De-Comidas/
Anterior Visita: https://www.lesfartures.com/2018/11/narciandi.html

Calidá: 4/5

Preciu: 30€

Comentarios: Volvimos a Narciandi, nel Altu la Maera, pela rodiada Xixón, na antigua carretera de La Pola a Xixón, en plena redolada rural, a repitir esperiencia. 

Comida de domingu pa dos persones. Cartelu de completu dende va díes, asina que si quies probalo, reserva con tiempu, porque suel enllenase inclusive ente selmana. Mientres esperes pola mesa, meyor tomar daqué fuera porque dientro ta casi tol espaciu aprovecháu pa meses.

Empezamos con unos aperitivos de la casa.

Pidimos Pulpu. Ración enorme pa dos persones, con un pulpu perfectu pal que nos faltó pan na mesa.

Ún de los platos estrella de la casa. Arroz con Pitu Caleya. Bien ricu. Bonos cachos de pitu, l'arroz perfecto, y ración enorme pa dos, amás. Indispensable si vais a Narciandi.

Quedónos un pocu de sitiu pa la Fabada. Otru los platos estrella de la casa. De los meyores sitios pa comela. El mio platu favoritu de tola comida. Perfecta.

Y mención aparte'l compangu. Buenísimo.

Yo yá taba a puntu d'españar, pero encamentaronmos la Tarta de Cenahoria. Casera. Bien rica.

Pa beber, VS de Murua 2016. Rioja que foi perfectu en tola comida. Perbonu.

Nun pagué. Fabada y Arroz mui bonos. Esta vegada foi tou muncho más fluyíu, non solo cola nuesa mesa, con toes. Gran sitiu Narciandi.