Publicidá

Blog Archive

Contact Me

Nombre

Correo electrónico

Mensaje

Hover Setting

default

El Ferroviario - Vaca y Güe Casín

Teléfonu: 985 225 215



Facebook: https://www.facebook.com/elferroviario/
Instagram: [@el.ferroviario] https://instagram.com/el.ferroviario


Comentarios:  Nun sabemos lo que tenemos - y esta afirmación puede aplicase a munchos productos asturianos-, y munches vegaes tienen que venir de fora a dicinoslo. Ye asina de murniu, pero cuando ves que'l patrón repítese una y otra vegada, nun queda más que rindise a la evidencia.


Cuntamos n'El Ferroviario cola presencia d'Alex del Val Pérez, cocineru d'El Rincón de Enrique, cocineru vascu, pero afincáu en Madrid dende va años, y vino a dicinos que la carne de güe casín ye'l Caviar Asturianu. Y dizlo con conocencia porque lleva años consumiendo la carne de Diego Aladro, vieyu conocíu (y almiráu) de Les Fartures nel so Hotel Rural Arniciu.


Diego amiesta la cocina y rexencia del so hotel cola crianza de gües casinos, dándo-yos amás 1 añu extra pa que la so carne inda tea meyor. Faelo amás nel Parque Natural de Redes, Reserva de la Biosfera declaráu pola UNESCO, nuna redolada maraviyosa ya incomparable, pero tamién dura.

Por eso tien tanto méritu lo que fai Diego, y por eso hemos de valorar lo que tenemos. Yera ablucante ver cómo nel showcooking qu'entamaron Diego y Alex xuntu al Ferroviario, munchos de los asistentes, asturianos o residentes n'Asturies dende va tiempu, reconocíen que nunca fueren al Parque de Redes y que conocieron esos paisaxes espectaculares gracies al programa de Caleya. Recordemos qu'ente El Campu (capital de Casu) y Uviéu hai malapenes 60km.


Ensin dulda el platu estrella del güe casín ye'l so chuletón. La so xugosidá ya intensidá cuando les prebes son realmente espectaculares. Pero Alex na so propuesta gastronómica foi muncho más allá del güe y preparonos, xuntu col equipu del Ferroviario (Alex Lorenzo Queipo y Pablo García Sánchez), distintos platos que tol restorán pudo probar mientres nos esplicaben cómo se preparen.

A reivindicar los Embutíos de Güe Casín, con una cecina realmente espectacular. Yá pudimos probala delles vegaes, y nun fai más qu'ameyorar.


Tataki de Güe. Intensidá brutal del güe maridáu 3 meses, testura, esplosión na boca. Brutal. De lo meyor de la nueche.


Otra brutalidá na boca fueron les Cogordes Confitaes sobre Zusmiu de Güe Casín. Amiestu ganador, y que nun dexa de sosprender. Bien bona.


Descontectamos1 min del Güe (anque yo nunca canso d'él) pa probar la Trucha Marinada. Otra combinación brutal. La trucha perfecta, con sabor, testura, y amás col piel. Mantequilla pura.


Acabamos col Guisu de Güe en Testures. Hores y hores de guisu, pa un güe que desfái, y que vien con una base de pataca. Bien ricu.


Una reinvindicación del Güe Casín en toa riegla. Complicáu d'atopar na nuesa tierra, munches vegaes por desconocimientu y munches otres por falta de demanda. Esperemos qu'acabe siendo por falta d'ufierta. Y esperemos que sía asina en curtiu.


No hay comentarios

Publicar un comentario