Teléfonu: 914 669 298
Web: http://thestuyckco.com/
Twitter: [@thestuyckco] https://twitter.com/thestuyckco
Preciu: 18€
Comentarios: Llevábamos un tiempu dixebraos de la ufierta cervecera en Madrid, y por mor d'un viaxe llaboral, punximos al día a la gueta dalgún sitiu guapu onde poder tomar daqué. Tres unos años de baxón, onde cerró dalgún de los sos llocales cerveceros más míticos, paez qu'empiecen a recuperase y tán abriendo locales interesantes onde poder tomar daqué. Amás, pela zona de Fuencarral y Malasaña tán creándose rutes con dellos llocales bien recomendables.
Tuvimos per esta zona en dellos locales, a destacar La Tape y Pirata, y acabamos cenando daqué informal en The Stuyck Co. Los dos primeros tamién tienen coses pa picar, pero queden pa otru día.
The Stuyck Co., ye un llocal ampliu, con zona de barra y meses altes a la entrada, y tres un pasiellu estrechu, zona de comedor con meses baxes. Tou informal, en madera y piedra, ensin manteles y con una cocina empobinada siempres a la cerveza.
Tienen una pizarra uela rotativa de 14 cerveces, con bon nivel, anque, repito, ver el nivel cerveceru en ciudaes tan grandes como Madrid, fai muncho más valoratible la ufierta que nos ufierten n'Asturies les nueses cerveceríes. Nun vi en nenguna pizarra nenguna cerveza que nun tomáramos yá equí, y eso tien muncho méritu.
Tienen cocina, con un toque de fusión y modernu, pero ensin dexar de llau les hamburgueses de calidá. Y foi lo que probemos, una Black Beer Burguer. 180grs de xata maridada con cerveza, quesu cheddar a la cerveza negro, cebolla caramelizao cruxente en tempura (el puntazo del platu), tires de llechuga, chips de batata, mueyu caseru secreto de bourbon y ... pan de cerveza, de xacíu.
Taba bien rica, l'únicu pero ye que la pidimos poco fecha y ... taba bastante pasada.
Pa beber, un pocu de too, empezar cola Gose de To Øl, siguir cola Pale Ale de Oppigards, cenar cola IPA de Dougall's y acabar cola Imperial Stout de Westbrook. Tamañu pinta, claro.
Pinta más hamburguesa sale a unos 18€. Queda pendiente volver más vegaes a probar más coses, que tien opciones interesantes na carta.
No hay comentarios
Publicar un comentario