Facebook: https://es-es.facebook.com/vinoteo
Twitter: [@vinoteo] https://twitter.com/vinoteo
BODEGAS FARIÑA
Señes: Camino del Palo, s/n - Toro (Zamora)
Teléfonu: 980 577 673
Web: http://www.bodegasfarina.com/
Facebook: https://www.facebook.com/bodegasfarina/
Twitter: [@bodegasfariña] https://twitter.com/bodegasfarina
Tornó la cata más exótica del Vinoteo, onde nos presenten carnes rares a les que difícilmente podemos aportar. Como siempres, nun ambiente festivo, didáuticu y acompañándolo d'una bodega de vinos.
Nesti casu, cuntamos con una vieya bodega conocida del Vinoteo y de Les Fartures (gracies a Vinoteo), con Bodegues Fariña. Yá vos falamos d'ella en más ocasiones, ya inclusive fuimos a visitalos a Toro. Cuntamos amás cola presencia de Manuel Fariña, tercer xeneración na bodega.
Empezamos bebiendo Primero, el primer vinu que saquen nel añu, de maceración carbónica. Pa ello, entamen tolos años un concursu de pintura que darréu va formar la etiqueta del vinu, y anguaño el ganador resultó ser l'artista granadina Purificación Villafranca cola so obra "Continente y Contenido".
Darréu, presentáronnos Colegiata Blanco. 100% Malvasía. Tien un pelín d'aguya que-y da un toque bien refrescante. Entra fácil.
Con él, presentáronnos la carne de Cocodrilu. Direutamente dende Zimbabwe. Toles carnes presentenles en pequenos cachos y ensin sal pa que podamos apreciar meyor el so sabor. Cocodrilu ye una carne con apariencia y testura de pechuga de pitu, que nun sabe prácticamente, anque si la dexes un tiempu na boca, dexa un regustu a pexe blancu, inclusive dalgunos dicíen pixín. Ensin apenes sabor.
Volvimos al tintu, Gran Colegiata Tinto de Lágrima. 100% Tinta de Toru. 4 meses en barriques, pa un vinu onde se nota enforma (quiciabes abondo) la madera. Vinu de Llárima ye aquel que llogren de forma natural, ensin exercer presión sobro la uva.
La siguiente carne foi la de Cebra. De Suráfrica. Apariencia de fégadu, y sabor a fégadu, pero nidiu. Gustónos enforma.
Camudamos a Mascaradas. 100% Tempranillo. Vinu de la Tierra de Castiella y Llión. Un homenaxe a les mazcaraes ibériques (ente les que s'atopen los nuesos Sidros de Valdesoto y Os Reises de Valledor, por casu). Un vinu arumoso, frescu, con menos cuerpu que los vinos de Toru y con una etiqueta preciosa. 6 meses en barrica. Gustóme.
Con él probemos la carne de Camellu. D'África. Carne con apariencia de xata, pero testura bien dura, foi la que menos nos prestó de toes.
Imaxináivos los chistes na mesa con Camellu y Fariña ...
Camudamos a ún de los referentes de la bodega, Gran Colegiata Campus 2014. 100% Tinta de Toru, 15 meses na barrica. Un vinu con muncha más estructura, y bien equilibráu. El meyor de la nueche.
Col vinu, probemos la carne d'Avestruz. D'Australia. Apariencia de xata y sabor a xata nidia. La más rica de toles carnes.
Y acabamos la cata de carnes probando un Güevu d'Emu. Un ave non voladora, paecida a l'avestruz, que pon unos güevos de tamañu (bien) considerable. Equival a unos 12-14 güevos de pita normal, polo qu'hai que tomalos ente delles persones.
Los güevos provienen de Valencia, anque esiste una granxa n'Asturies onde tamién se pueden consiguir. Y Juanjo acompañolos de Pataques, Pimientos y Picadiellu, esto ye, la santísima trinidá de la felicidá.
Esfrutamos como nanos.
Pal postre, tomamos Val de Reyes Blanco Semi Dulce. Vinu de la Tierra de Castiella y Llión, fechu coles variedaes Albillo y Moscatel. Nun namoró cuando lo probé la primer vegada, y sigue ensin namorame agora.
Tomámoslu con un Brownie caseru que taba bien bonu.
Como siempres, el Vinoteo ufiértanos coses distintes, gayoleres y coles que pasar una tarde/nueche esfrutando de la gastronomía. Pel hibiernu y llenazu, como siempres.
No hay comentarios
Publicar un comentario