Publicidá

Blog Archive

Contact Me

Nombre

Correo electrónico

Mensaje

Hover Setting

default

Red Lion Inn

Señes: Low Causeway - Culross - Escocia
Teléfonu: +44 013 838 80225


Web: https://redlionculross.co.uk/
Facebook: https://www.facebook.com/Red-Lion-Inn-Culross


Calidá: 3/5
Preciu: 15€


Comentarios: Culroos ye un pueblu preciosu costeru d'Escocia, con menos de 400 habitantes y sitios de suañu onde se rodaron series como Outlounder. Dicen que ye'l pueblu más guapu d'Escocia, y ye bien guapu, pero los hai más.


Indispensable perdese peles sos cais empedraes, onde paez detenese'l tiempu, o inclusive reparar nos antiguos cargaderos onde se descarga'l carbón (¿suénavos?). A lo cimero'l pueblu, una antigua abadía, perbién caltenida, que paga la pena visitar.


Pa comer, la meyor opción ye Red Lion Inn, asitiáu metanes la carretera que traviesa'l pueblu. Un típicu pub escocés, antiguu, escuru y decoráu en madera, preciosu. Nun hai munchos más nel pueblu, asina que ta siempres llenu de xente, y amás ye posada.


Comimos, ablucaos pol trasiegu la barra yá'l ritmu de cerveces. Nun quixímos ser menos y xunimos al ritual llocal. Dellos cañeros de cerveza, de bomba y dalguna industrial, ya ún de sidra.


Tienen una carta enorme y personal bien sollerte. Pidimos el platu nacional escocés con nome de Harry Potter, Haggis. Una especie de morciella con especies que sirven con pataques y verdura. Nesta versión vien con un hoxaldráu que la verdá ye que taba impresionante. El toque picante de la morciella, xenial.


Tamién tomamos un platu con una Salchicha afumada, mueyu de Curry, pataques y verdura. Bien, pero tou abondo especiáu.

Pagamos unos 40€ por tou. Sitiu bien recomendable. Y si xubís un pocu más arriba ... atoparéis cola maravía del Castiellu de Campbell, la semeya de portada.


No hay comentarios

Publicar un comentario