Publicidá

Blog Archive

Contact Me

Nombre

Correo electrónico

Mensaje

Hover Setting

default

Am Pràban Bar


Señes: Sleat - Isla de Skye - Escocia
Teléfonu: +44 1471 833332


Facebook: https://www.facebook.com/prabanbar/


Calidá: 2/5
Preciu: 30€


Comentarios: La Isla de Skye ye ún de los destinos más turísticos d'Escocia. Aportar a ella vía ferry o ponte y, a pesar de que ta llena de turistes, tien daqué especial que fai qu'aliendes muncha paz.


Paisaxes casi virxes, perbién calteníos, recuerda muncho al nuesu occidente asturianu. Pola lluz, los colores, l'ausencia de montes altos, ríos, cascaes, pueblos pesqueros pintorescos ... Merez la pena la visita.


Pasamos dos díes horribles d'agua y vientu a lo asturianu llegando pingando con una cara de felicidá y cientos de semeyes al nuesu B&B.


Pa dormir y comer, nun hai munchos sitios, y siempres suelen tar llenos. Pero afayamos un sitiu bastante estremáu y sele, con un pub que si te presta'l güisqui has de conocer sí o sí. Toi lleendo crítiques y ponenlu xenial en cuantes a comida, pero si puedes, nun vaigas ende y busca otra opción.


Nós pidimos un Pexe del día y traxéronnos un Fish and Chips conxeláu de tola vida.


Y un Revueltu de Cogordes con cachinos de quesu local que nun taba mal.


Lo meyor, la esbilla de cerveces artesanes llocales y, sobremanera, los whiskeys. Lo demás, escaezlo.
Polo que lleímos, suelen tener actuaciones de música folk, pero esi día nun tocó. Un bon sitiu pa practicar dalgún saludu en llingua gaélica.


No hay comentarios

Publicar un comentario