UMAMI

UMAMI - ESCUELA DE SABOR

Direición: C/ Rufo Rendueles, 48 - Gijón / Xixón

Teléfonu: 695 402 646

Web: http://umamigijon.com/
Facebook: https://es-la.facebook.com/Umami-Gijon
Instagram: [@umamigijon] https://www.instagram.com/umamigijon/

¿Prestaríate quedar col to grupu y qu'ún de los meyor profesionales de coctelería d'Asturies  te dea un cursu personalizáu? ¿O prefieres un cursu de cocina cola to pareya, amigos o desconocíos, p'acabar comiéndolo nun espaciu preciosu? ¿Por unos 50? ¿de media? ¿Yes profesional y quies formar al to personal?

Bonu, pos tou eso y más ye lo qu'ufierta un nuevu espaciu qu'acaba d'abrir les sos puertes en plenu paséu de la sablera de Xixón. Umami afaise a ti y propó una ufierta d'ociu distinto alrodiu gastronomía.

Col entamu de Borja Cortina, meyor bartender d'España 2015, del pub Varsovia, Laura Chamoso y de Guillermo Rodríguez de GRG Eventos naz Umami - Escuela de Sabor. Un espaciu diferente que puedes configurar a la to manera.

Estremáu en dos ambiente distintos, pero complementarios, comenzamos pola sala inferior dedicada a la coctelería. Ábrese una estancia increíble con puestos individuales y una gran pantalla, onde Borja y Jorge Oliva fixeron de les suyes y dieron una clase práctica onde pudimos ellaborar dos cocteles distintos d'exemplu.

Comenzamos con un Old Fashioned, perfectu pa comprobar cómo un coctel tien de consiguir l'equilibriu ente la parte dulce y amargurienta. Bourbon, azucre y un toque de fruta. Fuerte pero perfeutu pa entamar la nueche y entonar.

Siguimos con un Daikiri, mucho más asequible pa beber, pero añediendo'l toque coctelera (impagable venos ximelgala).

Xenial la esperiencia. Pudimos familiarizanos colos elementos básicos pa realizar un cóctel y, amás, poner en valor el gran llabor que realicen estos profesionales.

Yá enriba, y ensin dixebranos en nengún momentu de les nuestres creaciones, aportemos al espaciu principal. Abiertu, con columnes y una decoración preciosa. Con grandes cristaleres onde se puede ver tola sablera de San Llorienzu.

Salón grande con meses pa comer, zona de relax con sofás pa charrar y un espaciu de cocina en forma d'islla onde poder axuntar un grupu alrodiu la cocina. Ellí esperábanos el chef Rubén Díaz, cocineru mozu pero yá con una abuitada carrera tanto na docencia como na restauración.  Presentónos cual sería'l funcionamientu de los cursos de cocina y propúnxonos faer d'alumnos per un día preparándonos los platos que dempués íbamos cenar.

Comenzamos por un Steak Tartar con carne d'Angus. Cortamos la carne, los condimentos, entemecémoslos y presentámoslos nel platu. Por supuesto, cola tutela de Rubén, faciéndonos diferente propuestes pal platu. Al nuesu ritmu, y con dalgún alumnu más avezáu qu'otros (ganen esos blogueros cocineros) consiguimos que la yema'l güevu quedara nel so sitiu y presentar un platu que siempres sabe más ricu cuando lo preparar ún mesmu.

El segundu platu yera un Bacaláu confitáu con Aceite de Cítricos, más complicáu que l'anterior y onde participemos menos, anque l'envís inicial pal cursu ye la ellaboración total de los platos qu'ún dempués va comer.

Colos dos platos, sentamos na mesa a tastialo y poder afondar na filosofía d'Umami cola compañía de los 3 socios.

Acabamos con una Tarta de Freses con Chocolate Blancu y Yogur, con una presentación perguapa.

Y ye que los cursos de repostería tamién van ser ún de los puntos fuertes d'Umami.

Como veis, una espaciu completu que s'afai a lo que precises ... xuntes d'empresa, d'amigos, cursos pa principiantes, pa profesionales, cumpleaños ... Umami ye un espaciu nuevu y distintu para tolo que pruya rellacionáu cola gastronomía nel centru de Xixón.