Señes: San Xuán de Parres
Teléfonu: 985 849 020
Web: http://casapedroparres.com/
Facebook: https://www.facebook.com/CasaPedroParresRestaurante/
Twitter [@casapedroparres]: https://twitter.com/casapedroparres
Instagram [@casapedroparres]: https://www.instagram.com/casapedroparres/
Comentarios: Casa Pedro ye ún de los nuesos favoritos, tien tolo que nos presta: ta un pocu apartao, ye una casona de piedra, puedes comer embaxo d'un horru, usen productu asturianu, son bona xente y amás, y más importante nun sitiu onde aconseyamos comer, cómese per bien. Tien esa combinación perfeuta ente cocina tradicional y esperimental. Son capaces de faete una fabada de muerte y, al empar, un platu con un productu asturianu fusionao con cocina del mundu.
Aprovechando estos tiempos estraños, axuntáronnos a unes poques persones pa que conociéramos los productos de Txogitxu. Sí, son vascos. Y sí, yá sabéis que nós somos de xata asturiana, y sobre manera, de la casina. Y equí resumí la mio opinión sobro la tema. Pero lo que probemos taba bien ricu y gustónos enforma.
Cúntovos qué comimos. Empezamos con un Paté de Chuleta de Vaca Gallega. Fuerte. Mui fuerte. Gustónos.
Una Tabla d'Embutíos. Espectacular. De vaca vieya, la copa y la pala. Panceta. Llombu baxu curao. Chorizu con un toque picante y salchichón. A cada cuál meyor.
Croquetes. De Chipirón. De Bacaláu. De Vaca Viey. Y de Xamón. Les croquetes de #Casa Pedro son de los meyores que puedes comer n’Asturies. Con eso yá te lo digo tou.
Salchiches. De Chistorra. De Vaca Vieya. Y les típiques alemanes.
Mini Hamburgueses. De Foie con un toque picante y d'otres con quesu y pimientu.
Si hasta agora tou foi bonu, agora empieza lo meyor … Vaca Vieya de Centroeuropa. Bien rica.
Y Vaca Vieya Gallega. Gana por goliada.
Con unos pimientos d'acompañamientu.
Pa beber, Agnvs Crianza 2017. Un rioja clásicu. Gustónos muncho.
Como siempres, presta muncho con Christian. Talentu, bon rollu y cuidao esquisitu pol productu.
No hay comentarios
Publicar un comentario