Nueva Visita: Chigre del Llagar Alonso

 NUEVA UBICACIÓN EN CIAÑU

Señes: Claudio Sánchez Albornoz 7, 33909 Sama de Llangréu

Teléfonu: 984 085 930

Web: http://www.llagaralonso.com/
Facebook: https://www.facebook.com/LlagarAlonso/
Twitter: [@JaviDiaz21] https://twitter.com/JaviDiaz21
Instagram: [@llagaralonso] https://instagram.com/llagaralonso/

Anterior Visita: https://lesfarturesast.blogspot.com/2021/04/nueva-visita-chigre-del-llagar-alonso.html

Calidá: 4/5

Preciu: 16€

Comentarios: ¿Vamos tomar un culete a Sama? Asina empiecen siempres los meyores planes. Día de fríu y nieve na cuenca, de sofá y cobertor pa munchos, y de "tar calentín en chigre" pa otros.

A pesar de lo desagradable que taba, el chigre taba llenu, y con reserves pa comer.

Lo primero que choca ye ver les caxes de sidra averaes a la estufa. Y ye qu'equí curien la sidra como en pocos sitios, nun te la dan frio como un témpanu, va a la temperatura que tien que dir, y si pa ello han de calecela un pocu, pos la calecen. Échenla como manden los cánones, como en pocos sitios y el ritmu ente culete y culete ye perfeutu, inclusive cuando ta’llocal a españar. Amás la so sidra, que ye la qu'ellos mesmos ellaboren nel llagar, ta bonísima, tanto la natural como la DOP.

Pasó lo de siempre, tres un par de botellines, entró la fame y picamos daqué. Pidimos media de Callos, que nos encanten.

Con pataques frites.

Y Sollombu de Gochu. Bien bonu.

De postre, la so Tarta d'Almendra, que ye esceicional.

Y la so Tarta de Quesu. Bien bona.

Con cafés, pagamos 32€ por tou. Sitiu, atención, cocina y … Sidra ! Muncho presta'l Chigre del Llagar Alonso, y si me lleváis la contraria, rindíi cuentes cola matriarca.