Nueva Visita: Regueiro

Señes: Tox - Puerto Vega - Navia

Teléfonu: 985 648 594

Web: http://www.restauranteregueiro.es/
Facebook: https://www.facebook.com/regueiro.restaurante/
Twitter [@restregueiro]: https://twitter.com/restregueiro
Instagram [@diegorestregueiro]: https://www.instagram.com/diegorestregueiro/

Anterior Visita: https://lesfarturesast.blogspot.com/2015/12/dorigo-astur.html

Calidá: 5/5
Preciu: 110€

Comentarios: Ún de los grandes, asina podemos resumir cualesquier esperiencia que tengáis en Regueiro. Diego consigue llevate a los paisaxes más exóticos dende una casona impresionante d'Indianos n'ún de los sitios más espectaculares d’Asturies, la mariña occidental. El contraste de cocina y redolada ye tal, que consiguen que la esperiencia sía única y maraviyosa.

Nun tien Estrella Michelín, y nun mos vamos cansar de pidila ; y sí tien munchos Soles Repsol. Con esto lo que quiero dicir que, anque nun tenga la reconocencia, ye una esperiencia Michelín, ye ún de los meyores restoranes d’Asturies y cada vez que vamos presta más.

El día nun convidaba a esfrutar de la so terraza (les semeyes d'esteriores son d'otru día), pero ye una pasada tomar daqué antes de comer o esfrutar de la sobremesa na so terraza al sol. Un paraísu de tranquilidá.

El comedor ta nel pisu de riba. Meses bien espaciaes (con y ensin COVID), bien bona atención y a esfrutar del so menú Hedonista. 9 platos maraviyosos.

Empezamos con una demostración del pan plano indiu (Roti) que díbamos comer un par de platos más tarde.

Croqueta. Una de les meyores croquetes que vas comer. Maraviyosa.

Roti. Ye un típicu pan indio planu hoxaldráu, que pues atopar en cualquier cai de Bangkok. 

Traelo con un guisu de raya, especiáu con azafrán, curry y xenxibre, y almendra. Con un toque picante maraviyosu. Pa coyer un pocu con una cuyar, poner enriba del pan a manera de tosta, y esfrutar. Encantónos.

Sopa Tom Yum. Sopa Thai fecha a base de pexe de roca, lleche de cocu fresca y lleche evaporada, tollo alliñáu con raigaños, yerbes, chiles, verdura, azucares (galanga, citronela, fueyes kaffir...) en formatu de crema xelada. Pate y escames frites de salmonetes y coronando, caviar y yuzu n'aire.

Pa tar al altor del platu, sírvenla en caviarera y la so correspondiente cuyar de nácare. Una auténtica maravía.

Anguila. Anguiles de 1,200 - 1,300 quilos, abiertes en vivu, rustíes amodo a la brasa y fumigaes col so mueyu. Con un toque d'azucre morico, soya y mirin.

Vien acompañada d'un bol d'arroz de sushi, xenxibre y remolacha.

Y Ocle cruxente y afumao.

Pa comelo tou, cuyar, paliyos o mano. Lo que prefieras. La idea ye que faigas el to propiu bocao y esfrutes. Y ficímoslu, vaya si lo ficimos. L'anguila tien una potencia increíble.

Curry. De bugre. Con ají mariellu, cúrcuma y naranxa.

Vien con un Pan Hoxaldráu Danés con polvu de naranxa que ye un auténticu espectáculu. Podría vivir solo comiendo esti platu. La idea ye moyar un pocu de pan nel mueyu y comer un pocu del bugre. Cenciellamente espectacular.

Masala. Platu indiu. Mangu recubiertu de flores de miel, empapao en chile habaneru, mueyu Masala colos sos especies tostaes y guisaes, vinagre d'arroz n'espluma. El contraste del mangu col vinagre queda espectacular.

Vien con Papadums cruxentes de farina d'arroz y curry al comín.

Rodaballu. Asao con una vinagreta de Vinagre de Sidra. Bonísimo.

Leche. Distintes testures de lleche pal primer postre del menú.

Y acabamos con Paleta. Xeláu de llimón con cubierta de chocolate ruby. Bien bonu.

Colos cafés. 

Pa beber, empezamos con Domaine Bersan Chablis 2018. Que nun namoró.

Asina que cambiamos al Pierre Gimonnet & Fils Cuvee Cuis Champagne Premier Cru. Y yá foi muncho meyor la cosa. Como nota negativa, 0 referencies asturianes na carta de vinos. Nin vinu, nin sidra, nin cerveza.

Pagamos 224€ por tou. Unu de los grandes d’Asturies. Un sitiu al que nun cansamos de dir y que cada vez esfrutamos más. Una puerta al mundu oriental dende unu de los pueblos costeros más guapos d’Asturies. Ye una maravía tener a Diego equí.