Presentación Quesu Ovín - El Ferroviario

 

Señes: Gascona 5 - Oviedo / Uviéu

Teléfonu: 985 225 215

Web: https://quesu-ovin.negocio.site/

Facebook: https://www.facebook.com/quesu.ovin/
Instagram: [@quesu.ovin] https://www.instagram.com/quesu.ovin/

Facebook: https://www.facebook.com/elferroviario/
Instagram: [@el.ferroviario] https://instagram.com/el.ferroviario

Comentarios: Abre un furacu del tamañu d'un cuellu de botella nun quesu, entorna una botella del revés y déxalo 1 mes revisando a diariu pa saber cuándo líquidu absuerbe’l quesu.

Ésta foi la prueba qu’Isaura, Joaquín ya Isabel fixeron col so quesu Ovín Ecolóxicu tres 4 meses de maduración. Ye’l primeru quesu ecolóxico inscritu nel COPAE d’Asturies, ellaborao en Nava con lleche pasteurizada d'una ganadería de Nava y con una testura maraviyosa que-y va xenial al so sabor nidio. Nun tien nengún aditivu.

A esti quesu, yá bien conocíu y que podéis mercar na so quesería y, por casu, nel so puestu nel Mercáu Artesanu y Ecolóxicu de Xixón, quixeron llevalo a un puntu más allá, y probaron a "introducir" vinu y sidra dientro del quesu. Nun queríen bañalo n'inmersión como se fai con otros quesos, non; la idea yera que'l vinu o la sidra fora colándose adulces pelos poros de quesu por qu'adquiriera’l sabor (y color) de la forma más natural posible.

Lo más maraviyoso foi ser parte de la primer preba fecha con esti procesu con un quesu asturiano, y prebalo per primer vegada colos sos ellaboradores, viendo cómo se miraben y falaben de cómo pueden ameyorar el procesu pa que'l sabor tea inda más presente.

Pa faer les pruebes utilizaron bébora asturiano. Verdea Blanco, Verdea Tintu y Sidra de Xelu Viuda de Angelón. 2 vinos de Cangas y 1 sidra de xelu. Lo primero qu'había que faer yera probar el so Quesu Ovín Ecolóxicu "ensin tratar", pa poder apreciar darréu les diferencies colos esperimentos.

Y asina fiximos, amás, probando cada quesu cola so bébora. Una maravía. Empezamos pol Quesu Ovín Ecolóxicu con Vinu Blanco Verdea. Camuda llixeramente la testura y da-y un pelín más d'acidez. Nótase inclusive’l toque alcohólicu nel quesu, pero bien llixeru y elegante. Gustónos.

Impresionónos cuando abrió Oscar el Quesu Ovín Ecolóxicu con Vinu Tinto Verdea. La uva de Cangas mancha, pero’l veteo que-y fixo al quesu maraviónos. Y meyora inda l'anterior. Más amargosu con un regustu bien bonu.

Y acabamos col Quesu Ovín Ecolóxicu con Sidra Viuda de Angelón. Foi’l más equilibráu y el que más nos gustó de toos. Entra duce y acaba con un amargu muncho más elegante que los anteriores.

Lo bono de too ye que ye solo la primer preba, yá tuvieron tomando notes p'ameyoralo, y tienen una segunda tanda en procesu. Y les que van siguir, pa lo qu'esperemos acabe siendo un productu cimeru n’Asturies, qu’axunte quesu asturiano (y qué quesu) con bébora asturiano (y qué bebida). Norabona.