Casa Florinda

Señes: Puerma - Les Regueres
Teléfonu: 985 799 476

Calidá: 4/5
Preciu: 18€

Facebook: https://www.facebook.com/CasaFlorinda

Comentarios: Ún de los templos de la Fabada d’Asturies, y dicir eso son palabres mayores. Según entres al local, Florinda saluda protexía dende la so requexu a les sos 98 años. 63 años lleva dando de comer en Les Regueres, cola so cocina de carbón y de lleña. Y son agora la so fía y la so nuera les que siguen la so herencia cola mesma calidá.

Enlleno siempres hasta los topes, reserva. Según entres zona de barra, con dalguna mesa. Y al fondu un ampliu comedor con cristaleres y vistas bien guapes.

Nun tienen carta, namás menú. Bien bonu. Pero son los xueves cuando inclúin la so famosa Fabada y vuélvese abondo complicao atopar mesa. Cuesta, amás, 11€. Pero pa que toos podamos esfrutar de la so Fabada, les fines de selmana dispones amás d'un menú "especial" onde lu inclúin por 18€.

Nós foi’l que pidimos. Fabada de primeru, Carne Guisao de segundu.

La Fabada ye de les meyores que vas poder probar n’Asturies, y repito, eso son palabres mayores. Esceicional. Faba suave, desfáise, entera, nun notes la piel. Maraviyosa. Faba de Pravia, compangu caseru. Pota al centru de la mesa. Felicidá absoluta.

De segundu, Carne Guisao. Bonísima tamién. Desfáise sola y vien con un mueyu p'acabar coles esistencies del pan. El problema ye que si repites 3 veces fabada, depués entra poca carne. Modérate (sí, sé que ye complicao) porque merez la pena.

Y de postre, Brazu Xitana. Bien ricu. Y nun abonda perhí.

Tarta d'Almendra. Trupa. Bonísima.

Y Requesón. Per bono tamién.

Con agua, vinu y casera, pagamos 18€ per cabeza. Maraviyosu. Unu de los templos de la Fabada que nun vos podéis perder.