El Café de Pandora

Señes: San Bernardo, 6 - Avilés

Teléfonu: 985 569 460

Facebook: https://www.facebook.com/El-Café-de-Pandora/
Instagram: [@elpandoradeaviles] https://www.instagram.com/elpandoradeaviles/

Calidá: 4/5
Preciu: 60€

Comentarios: Cuando yera neno, el mio güela, nos díes especiales, llevábame al Cafe Pandora a tomar un xeláu. Un sitiu preciosu, en plenu centru d'Avilés, con una terraza interior maraviyosa. Colos años, yo acabé repitiendo lliturxa cada vez que quería impresionar a dalguna moza del institutu.

El Café de Pandora pasó de ser una cafetería familia a un restorán cuando’l so fíu, Alejandro Villa, púnxose al mandu de la cocina tres años de formación en grandes restoranes. Asina que quixi siguir calteniendo la mio lliturxa y llevé a dos amigos pa impresionalos, y vaya si los impresioné. Nun pudi sacar semeyes de la terraza porque, pel hibiernu ta desmontada, pero faéime casu y díi visitala cuando podáis.

Empezamos con un pocu de pan y aceite. Bien bonu.

Traxéronnos d’aperitivu unes Croquetes de Xamón. Xugoses, con bon rellenu y casi líquides. Bien bones.

Pidimos tou pa compartir. Empezamos coles Anchoes con Manteca "El Andral". Enorme ración. Paecen torrendos, permedia perbién la potencia de l'anchoa cola manteca. Eso sí, la manteca, de Cantabria. Será que nun les hai bones equí.

Ensaladilla Templada de Bugre a la Parrilla. Brutal. Bien bona. Y nun atuñaron nel bugre.

Vien acompañada d'unes Corteces.

Traen pa probar una amuesa del so Falsu Risotto Cremosu de Trufa Negra. Fechu con sémola de trigu. Brutal la testura y xenial cola trufa. Encantónos.

Yá empezábamos a tar llenos, pero inda quedaba’l Canelón de Centollu rustíu con Idiazabal y Pesto a la Xenovesa. Tien un toque picante que nos gustó enforma. La pasta, por supuestu casera. Bien rica. Volvemos echar en falta daqué de toque asturianu col quesu.

Y acabamos col (güeyu) Costiella de Corderín Enteru, a baxa temperatura y acabáu nel Josper (3 cociones). Otra ración enorme. Bonísimo. La carne desfái sola. Non pudimos acabalo, asina que prepararon un tupper pa llevalu pa casa.

A pesar de tar fartucos, nun pudimos colar ensin probar los postres, asina que pidimos les sos Freses Romanoff. Brutales. Amiestu de dulce y ácidu. Lleva una base de vinagre de módena, aceite d'oliva y sal.

Pa beber, Baigorri Blanco Fermentao en Barrica 2015. Amiestu de Viura y Malvasía. Bien bonu. Tienen vinos y sidra asturiano en carta. Ello ye que traxéronmos pa probar un Bodega Vidas convidaos pola casa.

Colos cafés, Floralis Moscatel Oro. Ricu.

Pagamos 177€, 3 persones. Convidáronnos a les Croquetes, al Risotto, a la botella de Vidas y al Moscatel. Pasámonos pidiendo comida, porque les raciones son grandes, pero a otru día lo que quedó de costillar entró maraviosamente bien. Gran sitiu.