Teléfonu: 667 079
Facebook: https://www.facebook.com/josemaria61/
Calidá: 4/5
Preciu: 18€
Empezamos el Monesteriu d’Oubona, asitiáu ente Tinéu y Navelgas. Fundáu pol príncipe Adelgaster, fíu bastardu del Rei Silu y la so muyer Brunilde’l 17 de xineru de 781. Na so acta fundacional, nomen por primer vegada la palabra Sidra en territoriu ástur.
“Nel día que fueren llamaos a emprestar serviciu, tengan ración de comida y bébora, a saber: Llibra y cuarta de pan de miyu o d'otru y porción de fabones o d'otru comestible, y sidra pudiendo ser” (et sicere si potest ese, 38-44).
El restu la construcción ye románica y sabemos que tuvo habitada pol Císter, que les sos aules fueron una importante fonte de conocencia y qu'ayudaron a ameyorar l'agricultura y ganadería locales coles sos conocencies.
Anguaño, magar ser Bien d'Interés Cultural dende 1982, ta nun pésimu estáu de caltenimientu, anque s'empiecen a dar pasos pa, amás d'igualo, da-y un usu. Parada indispensable dende la Edá Media pal Camín de Santiagu. Nel chigre del pueblu podéis pidir les llaves pa visitar la Ilesia per dientro.
Tien una Lleenda, que sacamos del llibro Llugares Máxicos d'Asturies, de Bertu Ordiales.
Su leyenda más popular habla paradójicamente de un tal Puliatos, vecino del cercano pueblo de Bustieḷḷu, que no pagana diezmos ni primicias a los frailes del monasterio. Se dice de él que en una ocasión fueron a pedirle hierba de un henal pero él se la negó. Después, le reclamaron dos celeminos de harina de máiz pero respondió que no, que le hacían falta para comer su hermana y él. Un día, aparecieron dos religiosos buscando a Puliatos. En ese momento se hallaba arando la tierra y cuando lo encontraron le preguntaron si era él. Entonces, mostrando una fuerza portentosa, asió el arado por el timón con una mano nada más y levantándolo con los dos bueyes uncidos dijo: "Aquella es la casa de Puliatos y Puliatos soy yo". Los monjes huyeron despavoridos al ver la fuerza que tenía.Al poco le mandaron llamar para que llevase una carta al obispo. Puliatos no sabía leer,pero al llegar a La Espina se encontró con un vinatero amigo suyo que le preguntó qué tenía que llevar. Entre los dos abrieron la carta y vieron que era una sentencia de muerte para el mismo Puliatos. Entonces, volvió a Oubona y recogió toda la leña que pudo. Inmediatamente la depositó en el puente y los alrededores del convento y le prendió fuego. Los religiosos daban gritos de clemencia. Así, Puliatos les hizo prometer que ni él ni los suyos ni el pueblo de Bustieḷḷu volverían a pagar foros nunca más.
La nuesa siguiente parada ye Navelgas, un pueblín bien guapu del occidente, que tien unes cuantes rutes pa faer saliendo dende’l centru.
Nós aparcamos nel Muséu del Oru (que podéis visitar) y travesamos el pueblu hasta llegar al entamu la Ruta de la Buelga del Oru. La ruta ye bien curtia y senciella, pa tola familia. Ye una ruta circular de 1,5kms. Y con poco desnivel. Pa tola familia.
Pasamos les antigües instalaciones de Chacinería Asturianes y al altor la Gasolinera, atopamos un cartelu qu'indica l'entamu la ruta.
Xiramos a la derecha y yá vemos el camín d'entamu.
Llegamos a l’Área Recreativa Navelgas.
Y nel intre a la Bolera de Bolu Celta o Bolu Tinéu, que polo que cunten, ta abondo activa, anque nós nun tuvimos la suerte de ver una partida en vivu (casi meyor, porque entós, adiós ruta).
Empieza un pequeñu recuestu que va ganando altor, y el paisaxe empieza a ganar. Vemos castaños, fresnos y abedurios.
Y xoxas, esto ye, corros, onde guardaben los oricios hasta saca-yos la castaña.
Ye impresionante ver cómo modelaben la roca rompiéndola col contraste del agua calecida con fueu pa consiguir esgazar la roca y estrayer l'oru. La esplotación d'esta mina prodúxose nos I ya II de nuesa yera, y l'escombru sobrante sería güei’l suañu de Navelgas. Y continuu hasta los años 50 del sieglu pasáu cola empresa “Aurifera Asturiana S.A.” de la qu'entá se caltién parte del edificiu del llaboratoriu
Pue vese perfeutamente na entrada a la Mina Entrepeñas, güei inundada.
Equí, como n'As Covas d'Andía, tamién atopamos un Caleiro, un fornu onde los habitantes de la zona cocíen la roca pa llograr el cal. Ello ye que siguióse usando hasta mediaos del sieglu pasao. Pa llograr el cal precísense llograr 1300ºC, y la madera nun despriende tanta enerxía calorífico, polo que teníen qu'utilizar toxu y gorbizu.
Siguimos el senderu, y tres una baxada abondo pronunciada, atopamos col área recreativa onde empecipiamos la ruta. Dende ehí volvemos al coche y siguimos camín en nuesa "gymkhana Fartona".
La siguiente parada ye Casa Máxima, en Naraval. Un chigre-tienda con más de 120 años d'antigüedá y que, tamién, tien agospiamientu rural. Merez la pena.
Siguimos pela carretera hasta Oubienes. Onde, a cuerpu de carretera, atopamos un Menhir. Sí, de los d’Obélix, y que tan poco comunes son n’Asturies. Sicasí Dólmenes y túmulos, sí que tenemos. La so principal función, dicen, yera rindir cultu al sol pa rindir cultu a los muertos soterraos nun túmulu cercanu y ye de dómina neolítica. Cuenta cola so propia lleenda, con Santiago Matamoros saltando percima d'él montáu nel so caballu blancu. Mui cerca, na Capiya de Santiago, hai una Estela Funeraria romana y sabemos que nel llugar hubo un torrexón o un recintu castreñu.
Dende ellí, vamos a San Pedru de Paredes, sitiu onde empieza la segunda Farturruta. Amás, nel pueblu ta La Casa del Obispo, el chigre onde vamos darréu a comer. Dexamos el coche nel prau que tienen d'aparcamientu.
Dende ellí salimos a visitar el Dolmen de Restiellu. Otra mini ruta d'unos 3kms (día y vuelta), mui guapa, facilina, que la so única dificultá ye la baxada hasta’l Dolmen, anque pue faese perfeutamente (la baxada recuerda un poco a la de la Cascada de Cioyo).
La ruta empieza per pista, travesando’l Ríu Esva (famosu cantar de Llan de Cubel, Rigu Esva) y el pueblu de La Veiga, con unes casones precioses. Pasamos por El Palaciu y la Capiya les Mercedes.
A la fin del pueblu, na última casa, atopamos el camín que lleva al dolmen.
Una xubida suave, y preciosa, por un monte d'umeros, carbayos y castañales; anque tamién hai pinos y ocalitos.
Al poco, atopamos l'indicador de baxada.
La primer parte ye facilina y asómanos a un balcón impresionante sobre’l Valle de Paredes. Dende ellí veis el Rigu Esva, y el camín de la so famosa ruta Les Foces del Esva. Nós preferimos esta ruta, que ye más desconocida.
Siguimos baxando, por un tramu más pindiu, onde hai una cuerda p'ayudanos de referencia. Ye un tramu bien pequeñu.
Al poco yá atopamos un Cortín, la corralada de piedres pa protexer a los truébanos del osu. Y sí, dientro hai truébanos.
Y el Dolmen de Restiellu. Una maravía metanes la nada, con unes vistes espectaculares a unu y otru llau. Embaxo, una cayida vertical al ríu (por eso aconseyen NUN arrodiar el dolmen), y una tranquilidá indescribible. Un sitiu onde pescanciamos un poder telúrico que te fai entender, un poco, siquier, porqué los nuesos antepasaos facien estos monumentos funerarios. Lleva ehí casi 5000 años.
Volvemos sobre los nuesos pies hasta’l pueblu de San Pedru de Paredes, onde tenemos reserva en La Casa del Obispo. Un chigre-tienda, bien curiáu, onde siguen cocinando en cocina de carbón y onde solo vas dexar de tar embobao mirando pa tolos rincones del chigre, cuando te pongan el platu na mesa.
Porque amás, cocinen perbién. Tienen menú, y ellí’l rei ye’l pote. Anque lo demás, nun se queda tras.
Tráenmos d'entrante Cecina con Forgaxes de Quesu. Bien ricu.
Pidimos Pote. Con Faba. Bien ricu.
Y Fabada. Gustónos un pelín más el pote. Tien el toque del lloréu típicu del occidente. Y la faba ye de les bones, pura manteca.
Dambos vienen con un bon Compangu. Sobresaliente la morciella con un toque picante.
De segundos, y yá que tamos na zona. Choscu. Cocíu y con pataca cocida con pimentón. Bien bonu.
Traénlo amás con una Ensalada de Tomate. Bien rica.
Y Xata Guisada. Con pataques frites. Ún de los grandes escaecíos de la nuesa gastronomía. Bonísima. Suave.
De postre, Requesón con Miel. Bien bonu.
Y Arroz con Lleche. Otra de les estrelles del local. Con canela. Esceicional.
Pa beber, Sidra Viuda de Angelón. Bien bona, como siempres.
Pagamos, dos persones, 37€. 18,5€ per cabeza. Y nun puedes perder la so cabina de teléfonos. Impagable.
Nel mesmu pueblu, acabante comer visitamos la Ilesia de San Pedro de Paredes. Data del SXVIII. Tien como detalle curiosu una representación única de San Pedro, colos sos pies triando cabeces de moros. El retablu ye de 1785 por cuenta de Joaquín de Merás Queipo Solís, herederu del ducáu de Paredes y que dexo’l so cargu de Prior na Real Colexata de Santa María del Puertu, p'asitiase en Paredes y alministrar les sos propiedaes. Cunta la tradición qu'un antepasáu so, asesinó al famosu pirata berberisco Barbarroja y cortó-y la cabeza, y d'ehí esta representación tan guapa.
Tien amás una capiya, creada como panteón familiar de los Merás, onde pue vese, tallada en madera y cubierta de pan d'oru, una figura mitolóxica del pelícanu alimentando col so sangre a los sos fíos. Esti emblema medieval foi adoptáu pola masonería escocesa.
Yá de vuelta, y como última parada, Brieves. El pueblu los arcos. Pueblu preciosu, perbién conservao y colos sos famosos 7 arcos que xunen les cases colos sos horros. Daten del SXVIII.
Ye una maravía perdese peles sos cais.
Tien tamién una torre del SXVI, güei vivienda particular.
Monesterios fundaos por fíos bastardos de reis asturianos, con lleenda incluyida y la primer documentación de la palabra sidra n’Asturies; rutes romanes del oru que parten de pueblos preciosos creaos a partir del escombru que sacaben del monte; boleres de bolu Celta ; chigres-tienda de más de 120 años d'antigüedá; Menhires d’Obélix, digo , d’Ovienes; Dólmenes de 5000 años metanes la nada ; chigres-tienda que siguen cocinando maraviosamente bien con cocina carbón; ilesies con símbolos masonos escoceses y lleendes del pirata Barbarroja y un pueblu onde los arcos pa xunir casa y horru son n'únicos. Completa la Farturruta de güei.
No hay comentarios
Publicar un comentario