Nueva Visita: Alterna Sidrería - Menú de Día

Señes: C/ Puerto de Pajares, 9 - Oviedo / Uviéu
Teléfonu: 984 280 641

Web: www.alternasidreria.com

Facebook: https://www.facebook.com/alternasidreria

Instagram: [@alternasidreria] https://www.instagram.com/alternasidreria/

Calidá: 3/5

Preciu: 15€

Comentarios: Repetimos esperiencia n'Alterna Sidrería, pa probar el menú na Sidrería. 10€. Una sidrería que nos encanta, decoración bien guapa, cómese perbién y curien enforma la sidra.

Sentámonos a comer na terraza, el menú del día, avisando que queremos faelo con sidra (que nun entra nel menú). Na terraza siguen echándonos la sidra bien, y a bon ritmu.

De primeru, Ensalada de Xamón. Abondosa.

Y de segundu, Picadiellu, Pataques y Güevu. Bien bonu. El picadiellu de casa, según cunten.

De postre, Natielles caseres de chocolate. Riques.

Pa beber, probemos dellos palos de sidra, que fuimos probando de más suave a más fuerte. El menú cuesta 10€, cola sidra aparte y dalguna cerveza, salimos a 15€ per cabeza. Gustónos enforma.