Teléfonu: 985 471 003
Calidá: 4/5
Preciu: 18€
Comentarios: ¿Qué ficieron por nós los romanos? As Covas d’Andía son unes esplotaciones auríferes (sí, les d'oru) de los sieglos I ya II que formaron un paisaxe bien peculiar por cuenta la estraición de la roca caliar que se facia nesa dómina rompiendo la roca por contraste de temperatura cola agua.
Una especie de "Médules asturianes", pero con tola rellumanza la vexetación, dando color y contraste a tou.
Los romanos nun llegaben y poníense a estrayer oru con un detector máxicu, los antiguos ástures yá utilizaben les mines, pero los romanos cola teunoloxía de la dómina, llevaron la esplotación a otru nivel dexándonos un paisaxe bien peculiar y que merez la pena visitar.
Asina que la Farturruta de güei nun vos va llevar a nengún picu, nin a nenguna sablera perdida … Güei propóngovos llamar al teléfonu de reserva (619 368 169), alcordar una visita cola guía y perdese ente unes formaciones rocoses que van dexavos cola boca abierta.
El percorríu son unos 3kms, y tien 1h de duración. Atópanse nel pueblu d’Andía, n'El Franco. Apenes hai desnivel y pue facela cualesquier persona que nun tenga la movilidá amenorgada. La entrada cuesta 3€ p'adultos y 2,5€ adultos y persones mayores.
La zona ye la única que tien roca caliar nel occidente, d'ehí qu’al aplicar agua con presión y contraste de temperatura, apaecieren estes formaciones kárstiques de más de 500 millones d'años d'antigüedá.
La zona amás tien una especie de microclima, con abondo mugor, que caltién la vexetación abondosa tol añu, y que combina amás viesca atlántica con monte mediterraneu. El contraste de vexetación colos colores y les formes orixinales de la roca fai del sitiu máxicu. Por ponevos un exemplu, esisten más de 20 especies distintes de felechos.
Declaraes Monumentu Natural en 2012, a metá de trayectu tienen el so puntu cimeru con un pasadizu estrechu más propiu del Señor de los Anillos.
Tamién atopamos El Caliero de Llamazo. Un fornu natural onde los habitantes de la zona cocíen la roca pa llograr el cal. Ello ye que siguióse usando hasta mediaos del sieglu pasao. Pa llograr el cal precísense llograr 1300ºC, y la madera nun despriende tanta enerxía calorífico, polo que teníen d'utilizar toxu y gorbizu. Precisaben tanto, que solo podíen faer dos cociones al añu, y pa ello xuntábense delles cases del pueblu.
Una maravía de paséu, ye un sitiu bien desconocíu, con un paisaxe dafechu distinto a tolo que vistis y mui cerca de les nueses sableres espectaculares.
Antes d'averanos a la mariña, fiximos parada pa comer nel Bar Martínez, o Casa Zapateiro, n'A Roda. A solu 17kms d'As Covas.
Lleva abiertu dende 1966, y conozse como Casa Zapateiro porque’l so fundador, Ángel Martínez, yera zapateiro en Castropol y camudó’l negociu pola hostelería n'A Roda. Agora ye la so fía, Ana María y el so xenru, quien se fixeron cargu del local.
Según entres, a la derecha, zona de barra. El restu, meses pa comer.
Cántennos el menú. De primeru, pidimos Fabada.
Más caldosa, al estilu occidental. Pero bien bona. Pota enorme, pa comer 4 o 6 persones. Compangu caseru, y tamién abondosu. El chorizu nun gustó más que la morciella.
De segundos, pidimos Sollombu de Gochu. Frescu, y bien bonu. Tamién de casa. Con pataques frites y pimientos.
Y Picadiellu, Güevu y Pataques. Atención qu'esa fonte ye para una sola persona. Maraviyosu. El picadiellu ta bonísimo, el güevu, de casa y les pataques con un toque de pimentón.
De postre, p'acabar d'españar, Flan de Quesu. Bien bonu.
Y Aguardiente de casa colos cafés.
Pa beber, el míticu vinu perronero y agua de fora. Nun hai nada asturianu.
Pagamos 36€, dos persones. A 18€ per cabeza. Maraviyosu. Sitiu bien recomendable.
Acabante comer, averamos a la mariña. Al Castru de Cabu Branco. Con unes vistes impresionantes.
Un Xacimientu habitáu dende la Edá de Fierro (ente los SIV-II antes de nuesa yera). Diz Berto Peña, nel so llibru Un Paséu pola Mitoloxía Asturiana, que :
"La leyenda popular habla de un mítico rey Castro asediando a los antiguos "moros" (se refiere a los paganos, no a los árabes) que habitaban el castro. El rey Castro sería el dueño de una ciudad situada en el lugar conocido hoy como A Senra. Los moros, para defenderse hicieron un gran foso con la intención de que el cabo quedase aislado formando una isla, pero no lo consiguieron y fueron derrotados. El foso legendario no es otro que el propio foso defensivo del yacimiento castreño, uno de los más espectaculares con 178m de largo y una profundidad de más de cuatro.La hija del rey moro se enamoró del rey Castro, así que fue encantada por su padre. Se dice que en la playa de As Polías, al este del castro, el día de San Xuan se aparece la encantada peinando con peine de oro sus cabellos rubios. Cuando sale la encanta, al amanecer, le precede un olor muy agradable como de pan recién horneado. En la fuente que hay en esa playa, también aparece una gallina con sus polluelos de oro y, en la llamada Cova d'Ouro, de donde los moros extraían el preciado metal, hay estandartes de oro y multitud de tesoros ocultos en inmensas salas subterráneas donde elegantes damas sirven a la encantada. Aquel que consiguiera desencantarla sería su consorte y el dueño de tales riquezas.
Cuentan en la comarca que el rey Castro había donado su ciudad y sus rentas al Monasterio de Courias, por cuya razón la gente explica que varias de las tierras de A Senra pertenecieras a la iglesia de Valdepares, ya que habrían sido donadas a esta por los frailes de dicho monasterio.La figura del Rey Castro batallando contra los moros aparece también en las leyendas de otros concejos asturianos. Es el caso de Gozón, donde, en el lugar de El Ferriru, muy próximo al Cabu Peñes, existe un peñón en la costa conocido como El Castru que, cuando sube la marea, queda rodeado por el mar y donde, según la tradición, quedaron impresas en la roca las herraduras de su caballo."
Una Farturruta bien desconocida, pa tola familia, con hestoria y lleenda incluyida, parando a comer nuna casa d'una zapateiro reconvertíu a chigreru onde cocina de luxu.
No hay comentarios
Publicar un comentario