Les Fartures: Nueva Visita: TC28

Señes: Teodoro Cuesta, 28 - Mieres
Teléfonu: 984 187 129

Web: http://tc28.es/
Facebook: https://www.facebook.com/TC28beberycomer/
Twitter: [ @tc28mieres] https://twitter.com/tc28mieres

Instagram: [@tc28beberycomer] https://www.instagram.com/tc28beberycomer/

Anterior Visita: https://lesfarturesast.blogspot.com/2018/11/tc28.html

Calidá: 4/5

Preciu: 40€

Comentarios: Volvimos al TC28, a Mieres, que nun paró de crecer dende la nuesa última visita. De ganar el concursu al meyor pinchu de Mieres, a ganar el concursu al meyor pinchu d’Asturies y, anguaño, a ser l'únicu representante asturianu nel campeonatu estatal de pinchos. Nun pudo ser, pero yá caerá.

Averamos a comer 4 persones. Local guapu decorao en maderes. Según entres zona de barra.

Na parte de tras, comedor con una chimenea presidiendo. Amiestu de madera, color escuru y toque de decoración industrial. Ta fechu con muncho gustu.

Pa comer, el conceutu ye al centru y a esfrutar. Empezamos con un Esplumosu de Pote d’aperitivo, que traxo la casa. Bien bonu.

Tráenmos tamién una Croqueta de Compangu. Maraviyosa. Cremosa per dientro y cola intensidá del compangu. Encantónos.

Empezamos probando, fora de carta, la Crema de Puerros con Parmesano, Trufa y Güevu. Bonísima. Con aire, y una base de güevu per debaxo. La trufa, como veis, sírvenla nel momentu.

Torrendos con Pataca Revolcona. Menudu espectáculu. Vienen con unes base de Pataques Revolcones, esto ye, pataques con pimentón. Los torrendos, pa morrer. Platazu.

Un clásicu de la casa, Pataques Braves. Picantes. Brutales.

Saltiáu de Cornetos con Xamón Ibéricu. Bonísimo. Les setes tán increíbles.

Alcachofes Frites con Yema de Pataca Trufada y Foie. Otra maravía. Bonísimo. El toque del foie cola base del güevu, trufa y el cruxente de l'alcachofa, perfeutu. Encantónos.