Auga

Señes: C/ Claudio Alvargonzález - Xixón

Teléfonu: 985 168 186

Web: https://restauranteauga.com/

Facebook: https://www.facebook.com/RestauranteAuga/
Twitter: [@AugaRestaurante] https://twitter.com/AugaRestaurante
Instagram: [@auga_restaurante] https://www.instagram.com/auga_restaurante/

Calidá: 5/5

Preciu: 100€

Comentarios: L'últimu Estrella Michelín d’Asturies que nos quedaba por visitar, casi siempres por nun llamar cola abonda antelación p'acutar y atopalo siempres llenu.

Local maraviyosu asitiáu en plenu puertu deportivu de Xixón, con un allugamientu inmeyorable. Terraza preciosa enriba l'agua y bien soleyera. Y dientro, amplies cristaleres mirando siempres al mar (alcuérdate de pidir mesa pegada a la cristalera cuando acutes).

Zona de barra a manera de recepción a la entrada.

Y ampliu salón, con dos pisos.

Pidimos el so Menú Degustación, que cuesta 84€. Tienen carta, y aconseyáronmos los sos callos, polo que va haber que volver pa probalos.

D’aperitivo, Tosta de Quesu Rei Silu con "Salmorejo". Bien rica.

Pan de Castañes, de Trigu y de Trigu Sarracenu.

Empezamos, Ostra de Gillardeau, Algues y Mazana Verde. Bonísima, anque echamos en falta que la ostra sía asturiana.

Oriciu con Yema de Güevu y Espluma de Mazana. Otra maravía. Base de mazana con espluma d’oricios, y dientro, l’oricio. Esplosión de sabores y testures na boca.

Zusmiu de Pimientos, Yema, Xampiñones y Parmesano.

Lleva Yema de güevu, foie y mazana de sidra. Encántanos el contraste de la cogorda col foie y el güevu. Bonísimo.

Siguimos con Caldu de Cocíu con Pies de Gochu y Anguila Afumada.

El caldu ta bonísimo, y el contraste cola anguila queda xenial. Gustónos enforma.

Gamba del Sur. El platu que menos nos gustó de la comida. La testura tipu mousse bien bona.

Llubina Asada n'Aceite de Llimón y Algues. Maraviyosa.

Pasamos a la carne col Llombu de Corderu Recental, Soya, Boniato y Puré d'Albaricoque. Otru xuegu de contrastes y testures. Bien bonu.

Nos postres, Sopa de Quesu de Cabra con Ablanes y Miel. Un postre intensu, pa nun contrastar cola carne. Destaca'l quesu, gustónos.

El segundu postre ye la Ensalada de Menta, Frutes y Chocolate. Menta, chocolate y cítricos. Nun falla. Ricu.

Pa beber, 1947, de Viuda de Angelón. La primer sidra de mesa crianza, avieyada 4 meses en barriques de carbayu.

Colos cafés, Mousse de Yogur y Café. Bien ricos.

Y Sidra de Xelu de Panizales. Bonísima.

Pagamos por tou, 200€. 100€ per cabeza. Sitiu espectacular, cocina rica, echamos en falta un toque más asturianu en dellos platos, pero nos gustó enforma.