El Cabanon - Preba de Cerveza La Quince con La Calenda

 

Señes: C/Estación, 19-21. Avilés
Teléfonu: 678 774 336

Facebook: https://www.facebook.com/Cerveceria-el-Cabanon
Twitter: [@CERVECERIACABAN] https://twitter.com/cerveceriacaban
Instagram: [@pablo_cabanon] https://instagram.com/pablo_cabanon

Web: https://www.laquincebeer.com/

Facebook: https://www.facebook.com/LaQuinceBrewery/
Twitter: [@laquincebrewery] https://twitter.com/laquincebrewery/
Instagram: [@laquincebrewwild] https://www.instagram.com/laquincebrewwild/

Anterior Visita: https://lesfarturesast.blogspot.com/2021/04/el-cabanon-preba-de-cerveza-refu-con-la.html

Comentarios:  Les prebes del Cabanón son lo meyor, a pesar de distancies, mázcaros y xeles. El bon ambiente que respires, les ganes de probar, rir y aprender sobro’l mundu la cerveza, y el nivelazu de xente que traen a que probemos les sos creaciones, ye dificil d'atopar n'otros sitios.

Nesta ocasión visitáronnos La Quince, cerveceros nómades madrilanos, qu'ellaboren la so cerveza n'instalaciones d'otros cerveceros. Lleven dende 2013 ellaborando cerveza, y yá lleven más de 40 fábriques onde ellaboraron les sos cerveces en 9 países distintos. Últimamente tán apostando por dexar los sos propios fermentadores nes fábriques que más-yos gusten por mor del ésitu que tán teniendo les sos cerveces.

Cerveces con un oxetivu claru, frescura y qu'entren soles. Tienen 6 cerveces fixes disponibles tol añu, y van creando collaboraciones y cerveces especiales amás d’éstes. Nós probemos un pocu de too.

Probémosles amás coles tapes que traxo La Calenda. Cencielles, pero perriques.

Empezamos con Queens, una lager "Kellerbier" (cerveza alemano de bodega ensin peñerar). Pa tomar recién fecha, carbonatación suave, dexa un retrogustu secu pero tamién de cereal y matices de cebada. Fecha amás con ingredientes casi 100% locales: na fábrica de NaparBeer con malta plantada en Navarra y lúpulu plantáu n’Olite. El lleldu, eso sí, ye alemán.

Con Ensaladilla Rusa. Fresca. D'un bocao. Bien rica.

Siguimos con Cold IPA. Una New England IPA pero con lleldu de cerveza lager (rubia). Arumosa y de baxa graduación. Facilona, de tragu llargu, pero que caltién l'arume y el sabor a lúpulu. Ye un nuevu subestilu dientro les cerveces que ta trunfando enforma anguaño. Fresca, fácil, pero con arume y sabor.

Con Hummus. Tien un toque anisao. Gustónos.

Son mui fans de Dragon Ball. La siguiente cerveza foi un homenaxe a la serie pa celebrar los 12 años de La Contenta, cervecería mítica de Madrid, que tamién son fans de la serie. La Contenta. Una India Pale Ale (IPA) con DDH de Citra, afrutada y turbia. Fresca. Recién envasada del día anterior a la preba. Amargu medio, sabor cítrico. Entra sola.

Vien acompañada d'una Tosta de Xampiñones.

La cosa púnxose seria con Fusión!, la so Doble New England IPA, de 8%, ellaborada en collaboración colos grandes de Guineu. Otru homenaxe a Dragon Ball. Brutal.

Y tomésmola con esta Brocheta tan prestosa.

Acabamos con Black Barley Olorosu Pedro Ximenez Barrel Aged. La so famosa cerveza negro Black Velvet, una Russian Imperial Stout con toques de vainilla, pero avieyada 24 meses nuna barrica de Pedro Ximenez. 14% de pura felicidá. Bonísima. Toes tuvieron a per bon nivel, pero ensin dulda, foi lo meyor de la nueche.

Y acabamos col Tiramisú de Gema. Lo del Cabanón, la cerveza, la compañía ... Ye secundariu. Solo polo que fai Gema, merez la pena dir a una preba del Cababón. Otru nivel. Faéime casu.

Pa rematar, tuvimos la visita sorpresa de Ricardo Aftyka, ún de los socios y cerveceros de Xuguetes Perdíos, una de les cerveceres más importantes d'América del Sur. Arxentín, agora afincáu n’Asturies, gracies a Blanca Fresno (que munchos vais conocer pol so pasu per Ordum), ta introduciendo les sos cerveces n'Europa.

Pudimos probar dalguna de les sos cerveces y son una maravía. Vienen amás con un montón de proyectos y sorpreses, qu'hai que siguir bien de cerca.

Esfrutar probando coses distintes y esclusives, con unos pinchos que faen a la vuelta la esquina pa que tou quede nel barriu, enllenando aforu ensin anuncialo. Lo que consigue Pablo nel Cabanón ta al algame de bien pocos.