Llagar Muñiz

Señes: Fozana - Tiñana - Siero

Teléfonu: 985 792 392

Facebook: https://www.facebook.com/sidramuniz

Instagram: [@sidra_muniz] https://www.instagram.com/sidra_muniz/

Comentarios: Visitar un llagar de sidra siempres tien daqué máxicu. Ye un espaciu sagráu onde se produz la máxica alquimia de tresformar la mazana en bébora de dioses. Y amás ye un espaciu onde convive n'harmonía la conocencia antigua, propia d’Asturies, coles técniques más avanzaes llegaes del restu del mundu.

Llagar Muñiz fundóla nel añu 1934 Jose Muñiz Gutierrez; y pasó a manes de Manuel Riestra Folgueres, que foi la so mano derecha mientres munchos años nel llagar. Anguaño son los fíos de Manuel, Manolo y Javier, quien siguen el llegáu del so padre, caúnu ocupándose d'una estaya: Manolo ellaborando la sidra y Javier, como inxenieru agrónomu, ocupándose de los pumaraes.

Perfeutu exemplu de cómo la siguiente xeneración de llagareros yá focalizó la so vida pa faese cargu del llagar y formóse pa ello.

Anguaño, el llagar pa prensar la mazana ye neumáticu y non de madera ; la embotelladora ye automática y yá nun se llaven les botelles pa reutilizales a mano, pero l'espíritu de siguir calteniendo la tradición y la conocencia que se tresmite de xeneración en xeneración, sigue siendo’l mesmu.

Muncha de la so producción ye propio, poniendo muncho finxu nel binomiu de sidra asturiano con mazana asturiana. Tienen unes 22 hectárees propies, toes certificaes nel COPAE (Conseyu de Producción Agraria Ecolóxica de Principáu d'Asturies) con sellu ecolóxicu.

Tres años de trabayu na finca, anguaño va ser el so primer añu produciendo sidra con sellu ecolóxicu, y van poner a la venta so la marca de Sidra de Mazana d'Escpyeta, que comparten colos llagares de Foncueva y Trabanco.

Y fáenlo alternando depósitos de fibra, madera y aceru, caúnu apurriendo’l so pequeñu matiz, pa que'l productu final de la sidra sía l’óptimo.

Tienen amás unos depósitos de madera troncocónicos, poco habituales n’Asturies (equí creo que namás los tienen Muñiz y El Gaiteru) y más comunes nel País Vascu.

Ellaboren la so clásica Sidra Natural Muñiz, la so Sidra Muñiz Selección, qu'amás anguaño va ser ecolóxica; y dende va unos años, una Sidra Brut Nature Muñiz, que nun probemos inda.

Tienen tienda y dientro poco va retomar les visites, yo que tu non me lo perdía porque, como veis, el llagar ye una pasada y la so sidra va encantavos.