Les Escueles

 

Señes: Calle Gervasio Ramos, 3 - Sama de Llangréu
Teléfonu: 984 840 535

Web: https://lesescueles.weebly.com/
Facebook: https://www.facebook.com/sidrerialesescueles/
Instagram [@sidrerialesescueles]: https://www.instagram.com/sidrerialesescueles/

Calidá: 3/5

Preciu: 30€

Comentarios: Nun ye nada fácil atopar 7 palos de sidra nuna Sidrería, y viénenme a la mente pocos sitios (menos que deos de la mano) onde les haya. Rique un esfuerzu estra de mimu pa que tolos palos tean nes sos condiciones óptimes de consumu.

Una d'eses sidreríes Les Escueles, en Sama de Llangréu. Asitiada na zona centro, mui cerca del Conceyu. Averamos a comer dos persones. Zona de terraza, y dientro barra allargada enorme con meses onde tomar sidra y comer. La sidra echada en tou momentu, eso sí, fria pa’l nuesu gustu.

Empezamos con una Ensalada de Cogote de Bonitu. Con remolacha cruxente a manera de cecina. Una ensalada templada bien rica.

Siguimos con Chipirones Rellenos de Setes a Baxa Temperatura. El mueyu ta más nidiu de lo qu'indica'l color, rico. Bon rellenu y contrastes ya intensidá nun platu llenu de sabores.

Y acabamos con Costielles Duroc a baxa temperatura llacaes con Soya y Miel. Pequen de miel. Pero prestaron. La carne bien bona, desfáise sola.

De postre, Semiesfera de chocolate rellena de chantilly d'artimores y frutes. Ricu.

Pa beber, fuimos probando dellos palos de sidra. Ganó JR. Pagamos 65€. Gustónos