2ª Preba Quesu Ovín - El Ferroviario

 

Señes: Gascona 5 - Oviedo / Uviéu

Teléfonu: 985 225 215

Anterior Visita: https://lesfarturesast.blogspot.com/2024/08/presentacion-quesu-ovin-el-ferroviario.html

Web: https://quesu-ovin.negocio.site/

Facebook: https://www.facebook.com/quesu.ovin/
Instagram: [@quesu.ovin] https://www.instagram.com/quesu.ovin/

Facebook: https://www.facebook.com/elferroviario/
Instagram: [@el.ferroviario] https://instagram.com/el.ferroviario

Comentarios:  Volvieron axuntanos Isaura ya Isabel n'El Ferroviariu pa comprobar cómo va evolucionando’l so esperimentu nel so Quesu Ovín Ecolóxicu.

Recuérdovos que va unos meses decidieron usar dalgún de los sos quesos, de 4 meses de maduración, ya introducir el pescuezu de 1 botella de bébora asturiano nellos a ver cómo medraba.

La primer preba yá nos prestó, non solo polo sorprendente de comprobar cómo’l quesu trescalar nel líquidu, ya inclusive del sabor alcohólico, sinón pola combinación quesu asturiano + bebida asturiana.

Escoyeron 2 vinos y 1 sidra pa les sos prebes, Verdea Blancu, Verdea Tintu y Diamantes de Hielo, la Sidra de Xelu de Viuda de Angelón.

L'oxetivu de la preba yera doble: comprobar cómo evolucionaron la primer tanda de quesos que probemos el mes anterior (esto ye, quesu Ovín Ecolóxicu de 4 meses de maduración + 1 cola botella entornada nel interior del quesu) y probar la nueva fornada que prepararon pa esta xunta con nuevos quesos y tamién 1 mes de maduración cola bébora, pero removiendo más la botella pa que trescalara inda más el líquidu’l quesu.

La primer sorpresa al probar los quesos de la primer tanda ye que toos, ensin esceición, taben muncho más afinaos que la primer vegada que los probemos. Y que si yá nos gustaron na primer preba agora gustáronnos inda más.

Y la segunda sorpresa, ye que los quesos de la segunda tanda yeren muncho más alcohólicos que los de la primera. Ricos. Pero non tanto como los de la primera. Tamién son visualmente más espectaculares, sobre manera’l quesu con Verdea Tintu, por cuenta de que’l vetao ye muncho mayor y por tanto, visualmente más espectacular.

Asina que, por consensu, gustáronnos más los quesos de la primer tanda, pero con 1 mes más d’afinación. Y de toos, ensin dulda, el más redondu tocantes a golor y sabor, foi’l quesu cola Sidra de Xelu. El toque mantegosu col dulce/acedu de la sidra quedo xenial. Visualmente siempres va ganar el quesu col vinu tinto, una y bones les notes de color col vinu blanco y la sidra de xelu práuticamente nun se noten.

¿Queréis más prebes? Pos va haber más.