Teléfonu: 985 912 903
Conseyu: Has de probar eses costielles
Facebook: https://www.facebook.com/Muro-Grill/
Instagram: [@murogrill] https://www.instagram.com/murogrill/
Calidá: 4/5
Preciu: 34€
Comentarios: Sabéis lo que nos encanta Aramar, el nuesu chiringu de sablera favoritu, que procuramos visitar tolos años. Un conceutu distintu, con una cocina cuidada y que fai perfeuta la combinación vistes+sablera+gastronomía.
Comentarios: Sabéis lo que nos encanta Aramar, el nuesu chiringu de sablera favoritu, que procuramos visitar tolos años. Un conceutu distintu, con una cocina cuidada y que fai perfeuta la combinación vistes+sablera+gastronomía.
Tres 1 años de reformes y muncho curru, decidieron ampliar instalaciones pa poder tar abiertos tol añu, poques gracies, ensin arrenunciar a Aramar, que va volver dientro poco con muncha fuerza.
Asina qu’averamos a conocer MuroGrill, el so nuevu proyectu xustu nel Banzáu de Tresona. El sitiu ye preciosu. Enorme terraza a los pies del mesmu banzáu, esfrutando de la paz del llugar o de les palaes de los piragüistes.
Dientro, espaciu ampliu, con meses pegaes a les enormes cristaleres pa esfrutar de les vistes, y una enorme cabina inglesa onde vas poder cargar cualesquier preséu mientres comes. Decoración en madera, lladriyu y una enorme piragua presidiendo’l cartelu de MuroGrill. Tou bien curiáu.
La so especialidá son les carnes, y n'especial les costielles. Tienen un afumador enorme con lleña de carbayu y ellaboren a baxa temperatura. Ensalaes y Hamburgueses, ya inclusive opciones pa veganos que van dir ampliando adulces.
Pidimos un poco de too pa probar. Pasámonos pidiendo, pero queríamos probar tou porque tien per bona pinta. Empezamos por una Ensalada de Fresa y Cacagüés. Rica, y refrescante. Orixinal amás cola combinación de la fresa y l'alliñu de cacagüés. Gustónos.
Siguimos con una Ensalada De Quesu Trés Lleches Azul de Pría y Vinagreta d'Ablanes. Brutal. El 3 lleches de Pría, a pesar de ser azul, ye un quesu suave, llevaderu, que contrasta xenial coles uves y la vinagreta d'ablanes. Encantónos.
Pidimos unos Tacos. Son raciones de 4. Pero como queríamos probar los dos, fixéronnos el favor de ponenos 2 de cada. Tacos de Soya. Veganos. Con un importante toque picante y afumao.
Y Tacos de Carne Afumao con Mueyu Verde de Xalapeños. Nada secos, que ye de lo que suelen pecar estos tacos. Con otru importante toque picante. Mui ricos. Son raciones contundentes, con 4 tacos comes de sobra.
Y pasamos a lo importante, a lo que díbamos, a la especialidá de la casa, a lo meyor de lo meyor. Les Costielles.
Brutales. Mui del estilu americanu, non tanto de les típiques costielles que tamos acostumaos a comer equí. El güesu esmuz solo, la carne ta tiernísima y pasa de lo cruxente del esterior al puntu perfeutu nel interior. Tiempos bien controlaos y carne bien bono.
Yá tábamos a puntu d'españar, pero encamentáronnos los postres, asina qu'había que probar. La Tarta Yaya. Un vasín de chocolate y crema pastelera. Bien ricu.
Vasín de Fresa y Chocolate. Una especie de Petit Suite (alcordáisvos?) Bien bonu.
Y Vasín de Tarta de Quesu. De les bones. Gustónos.
Pa beber tienen bona selección de cerveces, y dalgún vinu. Nós pidimos una de les nueses favorites, Goma2 de Caleya. Brutal. Y Agua Fuensanta.
Nun acuten, pero si nun hai sitiu, como ye comida "rápida" y nun queréis comer na terraza (que vos lo aconseyo), podéis esperar tomando daqué hasta que tengáis sitiu. Pagamos 69,50€. Pero yá vos digo que con pidir un entrante, les costielles y un postre, ye abondo, que sería práuticamente la metá de lo que pagamos.
Xente mozo, con munches ganes, enllena de talentu. El bagaxe d’Aramar. Llugar con unes vistes increíbles nuna redolada preciosa. Xenial comunicao, porque ta al llau de l'autopista. Carne de primera. Opciones veganes. MuroGrill va ser un ésitu.
No hay comentarios
Publicar un comentario