Nueva Visita: El Ferroviario

 

Señes: Gascona 5 - Oviedo / Uviéu
Teléfonu: 985 225 215



Web: http://www.elferroviario.es/

Facebook: https://www.facebook.com/elferroviario/
Instagram: [@el.ferroviario] https://instagram.com/el.ferroviario

Calidá: 4/5
Preciu: 44€

Comentarios: Averamos al Ferroviario antes del desboyu turísticu del branu, un día ente selmana a última hora, pa poder comer y esfrutar tranquilamente d'un local que ta siempre enllenu de xente, pero onde, siempres que vamos, comemos perbién.

Amás, tienen 11 o 12 palos de sidra, estremaes peles distintes zones sidreres d’Asturies. Y, importante, a distintu preciu, nun estremando ente sidra natural normal y sidra natural DOP, amás variando’l preciu según el preciu base del llagar o lo bono que tea’l palu. Van per delantre, ye d'agradecer, y ye’l camín a siguir.

Llocal enorme. Según entres zona de barra pa tar tomando unes botellines. Pases per un pasiellu estrechu y na parte de tras, abre un salón enorme, cola cocina vista y otra barra.

Y baxando unos pasos, otru salón enorme. Lo meyor ye qu'acutéis porque suel enllenase siempres.

Te echan la sidra en todo momento. Comenzamos con Viuda de Angelón. Maravillosa como siempre. Tiene ese puntín ácido que tanto presta, y un olor herbáceo que le da un frescos increíble. 

D’aperitivu traxeron Bacaláu Rebozao con Alioli de Cítricos. Bien ricu.

De primeru, pidimos Bocartes, qu'avisaron que teníen frescos. Vienen con xamón. Bien ricos.

Camudamos a Prado y Pedregal. La DOP del Llagar La Morena. Golor abondo a sidra vieyo.

Pidimos el Chuletón Premium. Tienen 3 categoríes, pidimos la más cara. 45 díes de maduración.

La verdá ye que ta bien bona. Suave pero con sabor.

Pidimos Prau Monga. La DOP de Viuda de Angelón. Nótase más madera que la Viuda de Angelón normal, que de les 3, foi la que ganó por fresca y floral.

Colos cafés, probemos un pocu del Llicor Café de Molín de Nora. Nun lo pidáis

Pagamos 89.90€. 44€ por cabeza. Un sitiu céntricu, onde vas comer bien, curien la sidra y enriba van abriendo camín pa sentar les bases del futuru consumu sidreru