Les Fartures: El Pintu - Congresu Nacional de Repunantes

Señes: Calle de la Libertad, 11 - La Pola Llaviana

Teléfonu: 984 045 505

Web: https://pintullaviana.com/
Facebook: https://www.facebook.com/El-pintu

Instagram: [@el_pintu_laviana] https://www.instagram.com/el_pintu_laviana/

Calidá: 4/5

Preciu: 26€

Anterior Visita: https://lesfarturesast.blogspot.com/2024/09/el-pintu-tercer-aniversario.html

Comentarios: Nun escoyemos cualesquier sede pa celebrar el Congresu Nacional de Repunantes, la sede escueyela’l Repunante d'Honor que nomamos 1 vegada al añu, qu'esta vegada recayó en Xuan Nel Gonzali. Y como repunante con bon criteriu, el local que decidió pa celebrar el Congresu foi El Pintu. Nun puedo tar más acordies cola selección.

Cerramos con un completu un sábadu pa cenes El Pintu, con un menú especial ellaboráu por Diego pa la ocasión, con un preciu inmeyorable que fixo que munches persones s'interesaran pol eventu.

Empezamos bebiendo, 1947. Sidra de mesa de Viuda de Angelón, esto ye, que nun fai falta echala. Ye la primer sidra de mesa crianza, con 3 meses en barrica de carbayu, que-y da una complexidá maraviyosa. Foi perfeuta cola cena.

Tres los discursos, empezamos la cena con un Boroña bonísima.

Acompañada de Xamón de Gochu Asturcelta. Brutal. Con grasina, xugosu, intensidá, bon tocín, veteao ... Qué gociada. En serio, nada qu'envidiar a otros xamones "de los bonos".

Tortu con Morciella, Pera yá Miel de Caliao. Otra maravía, tortu de los bonos, ensin que pringuen d'aceite, cruxentinos. Y el miel y la pera dando’l toque dulzuxu pa contrastar la morciella. Mui bonos.

Merluza del Pinchu con Pistu a l'Asturiana. Ye ún de los mios platos favoritos del Pintu. La merluza-y sal perfeuta, como en pocos sitios.

Camudamos al vinu, La Descarga Fora del DO de Cangas. Acababa de salir, con etiqueta nueva (bastante fea). Al vinu inda-y falta.

Cabritu Guisáu con Patatinos y Pimientinos Asaos. Otru de los platos que tenéis que probar n'El Pintu. Perfeutu. Pota al centru, mueyu d'hores y hores con un sabor increíble, y el cabritu desfáise. Maraviyosu.