Nueva Visita: Abrelatas

 

Señes: Ería del Hospital, 5 - La Pola Sieru

Teléfonu: 984 182 245

Web: http://www.abrelatas.info/
Facebook: https://es-es.facebook.com/abrelatas.restaurante
Twitter: [@abrelattas] https://twitter.com/abrelattas

Anterior Visita: https://lesfarturesast.blogspot.com/2021/01/nueva-visita-abrelatas.html
Calidá: 4/5
Preciu: 25€

Comentarios:  La idea yera que Borja preparara una fabada aprovechando a comer so menú del día, pero a la fin preparóla Mary Lluz, y qué queréis que vos diga, como si Borja nun la vuelve cocinar más: foi una de les meyores fabaes que comí nunca.

Averamos a comer 4 persones, y, amás del menú, aprovechamos a probar dalguna cosa más, que pagamos aparte.

Empezamos pola Fabada. Emplatada, anque repites les vegaes que quieras. Gloriosa. Perfeuta. Bonísima. El compangu ye espectacular, la morciella maraviyosa.

Siguimos con un poco d'Angula de Monte. Bonísimes les setes.

Menezueles de gochu ibéricu. Al estilu la Pola, esto ye, cola verdura entera y ensin pasar pol pasapuré. Toque picante. Maraviyoses.

Vienen acompañaes d'unes pataques frites.

De postre, fora de menú, pidimos un poco de Cabrales de Quesería Maín. Bonísimo.

Dientro'l menú, un Tueru Chocolate, que nos encanta .

Y una Tarta Fina de Turrón, que ye la mio favorita del Abrelatas.

Para beber, el vinu que tien nel menú, un Mencía 100% xoven. Pagamos 25€ per cabeza. Nun falla Abrelatas. Menú de día, carta, ocasión especial … Ye ún de los meyores.