Tc28

Señes: Teodoro Cuesta, 28 - Mieres
Teléfonu: 984 187 129

Web: http://tc28.es/
Facebook: https://www.facebook.com/TC28beberycomer/
Twitter: [ @tc28mieres] https://twitter.com/tc28mieres

Instagram: [@tc28beberycomer] https://www.instagram.com/tc28beberycomer/

Calidá: 4/5

Preciu: 40€

La importancia de los pinchos. Conocimos Tc28 en ganando'l concursu al meyor pinchu de Mieres (del que solemos ser xuráu) y averamos al poco de que ganara'l concursu al meyor pinchu d'Asturies (del que tamién somos xuráu).

lLocal asitiáu nel centru de Mieres, con una decoración moderna en metales y madera, bien llograda. Según entres, zona de barra con ampliu salón pa tomar daqué y comer. Y tres un pasiellu con una ventana dende la que puedes ver la cocina, un ampliu salón qu'exerz de comedor.

La so propuesta ye informal, al centru, con cocina de base de tradicional pero dándo-y una vuelta y curiando la presentación. Un conceutu distintu al que tamos acostumaos en Mieres. Y que ta gustando enforma.

Comimos dos persones y pidimos tou al centru pa compartir.

Empezamos con una Crema de Garbanzos d'aperitivu. Bien rica.

Pidimos el pinchu ganador del concursu de Asturies. "Too pola llingua". Guisu de llingua de xata envolubráu en pan tramezzini que se sirve acompañáu por mascarpone trufáu, perlles d'artimora y biltos d'arbeyos. Impresionante. Namás pol pinchu yá mereció la pena la visita.

Croquetes de Xamón. Forma cuadrades. Riques.

Navayes con Vinagreta de Boletus y Ablanes. Espectaculares. Perbones. De lo meyor de la comida. El toque de les ablanes y les cogordes queda xenial.

Bocata de Calamares. Con pan de cristales y mayonesa de Kimchi. Un clásicu reintrepretado. 3 unidaes (meyor 2 o 4 siendo dos na mesa). Toque cruxente y cítricu pa unos calamares que por sí solos taben yá bonos.

Y acabamos con ún de los sos platos estrella, Ravioli de Pitu Caleya. Tamién con un toque d'ablanes. Xenial el mueyu y les testures del platu.

De postre, un Coulant de Turrón pa compartir. Perricu.

Pa beber, Sidra Brut Nature EM. Perfeuta combinación con esti tipu de cocina.

Pagamos 82€. Nun ye baratu, pero ye un sitiu a siguir de cerca en Mieres.