Casa Faustino

 

Señes: Pumarabule - Carbayín Baxu - Siero

Teléfonu: 985 734 703

Calidá: 3/5
Preciu: 21€

Facebook: https://www.facebook.com/BAR-CASA-FAUSTINO

Comentarios: Maxinái comer nun Restorán-Bolera con más de 80 años d'antigüedá. Un llugar con un encantu especial, asitiáu en plenu barriu (ex) mineru de Pumarabule. Casa Faustino lleva abiertu dende 1959, y pellí, pasaron los meyores xugadores de Cuatriada del mundu. Y xusto al lláu, el chigre que lleva acompañando les partíes dende entós.

Según entres, zona enorme de barra, con meses pa tomar daqué.

Y nun llateral, un comedor piquiñín. La pena ye que nel comedor nun echen sidra y namás ufierten un chisqueru eléctricu d'esos.

Pa comer, pidimos Cebolles Rellenes. Y la verdá ye que tán bien riques, casi te faen sentir como en L'Entregu.

Y de segundu pidimos unos Callos. Bien ricos, anque tiren a suavinos. Ufiértennos más picante si queremos.

Que vienen acompañaos, poques gracies, de pataques frites.

De postre, caseru, tomamos, Tarta de Quesu.

Y Tarta de Turrón. Gana esta. Bien bona.

Pagamos 42€ por tou. Bien ricu tou y perbién de preciu. Acabantes de comer, enseñáronnos atentamente la Bolera. Tienen una terraza estupenda que da xusto a ella.

Y yá si vos animáis a echar una partida, pos perfectu.

A 2 pasos del restorán, atópase'l Pozu de Pumarabule. Antigues instalaciones mineres, n'un estáu de caltenimientu llamentable, y que puedes visitar (con cuidao). Paga la pena.