Teléfonu: 634524651
Aconseyamos: Va prestavos too
Calidá: 4/5
Preciu: 21€
Facebook: https://www.facebook.com/pages/Aramar-Playa/
Instagram: [@aramarplaya] http://instagram.com/aramarplaya
Anterior Entrada: https://lesfarturesast.blogspot.com/2019/06/nueva-visita-aramar.html
Comentarios: L'añu pasáu escapósenos Aramar y nun publicamos la correspondiente crónica añal desque abrieron. Ye un llocal que siempres suel tar a españar, sobremanera los fines de selmana, que cuesta atopar mesa. Anguaño nun quixímos dexalo pasar y fuimos a comer un vienres so reserva. Y como siempres, gustónos enforma.
Comimos 6 persones, na mesa pa grupos grandes que tienen a la entrada del local, onde tas perbien.
Como siempres, pa empezar, Fogaza de Pan de Lluanco con Tomate n'Aceite y Sal de Naranxa. El pan ye increíble,y los tomates de la güerta d'a'l lláu del chiringu. Asina da gustu empezar, la verdá. Ta tan bonu, que te tienes que contener pa nun acabalo nesi mesmu momentu.
Carpaccio de Xata Asturiana. Otru años recordámoslu más finu, y la verdá ye que s'agradez. Sía comoquier, gustónos.
Fora de carta teníen Amasueles. Bonísimes, y enormes. A 22€.
Pidimos dos de Llombu de Bonitu a la Plancha. Un indispensable de la casa. Bonísimu.
Y probemos una de les novedaes d'anguaño. Xabalín Guisáu con Ragout de Xampiñones. Bien ricu.
Llegamos a los postres, Copa Banoffe. Lleva banana y toffe. Bien rica.
El postre nuevu d'anguaño, Mousse de Café con Baileys. Bien ricu.
Y, poques gracies, la mio favorita, la Tarta de Quesu. Ye una maravía.
Pa beber, agua, dalguna copa de vinu y Sidra Viuda de Angelón.
Pagamos 125€ por tou. A 21€ per cabeza. Si vais más, yá sabéis que pagáis menos. Aramar nunca falla. Y en curtiu, n'Overo (Banzáu de Tresona), va haber novedaes. Tean sollertes.
No hay comentarios
Publicar un comentario