Nueva Visita: La Finca

Señes: C/ Gascona, 4 - Oviedo / Uviéu

Teléfonu: 985 218 234

Web: https://sidrerialafinca.es/

Facebook: https://www.facebook.com/lafincasidreria
Twitter: [@lafinca_agrobar] https://twitter.com/lafinca_agrobar
Instagram: [@la-finca-sidreriaagrobar] https://www.instagram.com/la-finca-sidreriaagrobar/

Anterior Visita: https://lesfarturesast.blogspot.com/2017/07/la-finca.html

Calidá: 3/5
Preciu: 25€

Comentarios: Cena de picotear en La Finca. De los meyores locales de tola cai Gascona, curien la sidra, échenla en tol local, y la cocina tien esi puntu gayoleru que va un pasu más allá de lo normal, y al centru siempres pa compartir.

Decoración bien cuidada, y continuu trasiegu de xente. Los fines de selmana ye casi imposible consiguir mesa, asina que si quies dir, acuta. Tienen fora una terraza que tamién suel enllenase en cualesquier dómina del añu, onde tamién echen sidra de continuu.

Cenamos 9 persones. Y compartimos dellos platos. Pa beber, alternamos dos palos de sidra de los llagareros que teníamos na mesa. Empezamos con Prau Monga. La Sidra Denominación d'Oríxen de Viuda de Angelón.

Y probemos tamién la nueva marca de Sidra Panizales. Ánima, con mazana escoyida de les sos meyores pumaraes nel monte. Bien rica tamién.

Empezamos por unu de los más sorprendentes. Carpaccio de Callos. Buenísimos. Sabor a callos, pero cola testura del carpaccio, vien acompañáu d'unes pipes de calabaza.

Siguimos con unos Calamares. Bien ricos. Con Alioli.

Sartén de Llagostinos al PilPil. Bonos cachos de llagostinos. Bien rica.

Camudamos a la carne. Alines de Pitu al Fornu con Mueyu de Miel y Mostaza. Buenísimes, pa zucar los deos.

Otra de les sorpreses, foi'l Llacón con Cremosu de Pataques. Bien bonu.

Compartimos tamién los postres, Tarta de Mazana, con rayadura de llimón. Bien bona.

Una de les epsecialidades de la casa. Picatosta. Bien bona.

Y Tarta de Quesu. Bien rica tamién. Los trés postres gustáronnos enforma.

Pa los postres, Sidra de Xelu Diamantes de Hielo de Viuda de Angelón. Espectacular como siempres.

Salimos a 25€ per cabeza. Nun falla La Finca.