Publicidá

Blog Archive

Contact Me

Nombre

Correo electrónico

Mensaje

Hover Setting

default

Abrelatas: Menú del Día

Señes: Ería del Hospital, 5 - La Pola Sieru
Teléfonu: 984 182 245


Web: http://www.abrelatas.info/
Facebook: https://es-es.facebook.com/abrelatas.restaurante
Twitter: [@abrelattas] https://twitter.com/abrelattas


Anterior Visita: https://lesfarturesast.blogspot.com/2020/01/nueva-visita-abrelatas.html


Calidá: 4/5
Preciu: 11€


Comentarios:  Dende Les Fartures siempres demandamos el Menú del Día. Nun podemos tar siempres comiendo menúes degustación y pagando tickets de más de 50€ en carta, polo que conocer bonos sitios onde comer un bon menú del día ye básicu. Yá conocíamos el menú del Abrelatas y falámosvos d'él equí, pero que Borja nos xuntara a unos cuantos pa danos a conocer el so menú, yera daqué nuevu. ¿Quién demanda nestos tiempos un menú del día? Pos Borja y Mary Lluz, la so madre y compañera na cocina.

Panadería local de La Pola, cocíos, productu local, agua asturiano y vinu a granel mencía del Bierzu (anque tán en negociaciones pa traelo de Cangas).

Tien dos primeros y dos segundos a escoyer. Nós probemos los 4.


Empezamos con Ensalada de Frutes Fresques de Temporada con Crema de Yogur Griego. Fresca y perrica.


Cocíu de Garbanzos con Moscancia de La Pola. Maraviyosu. La Moscancia ye única, con sabor pero repite menos que la morciella, y colos garbanzos va xenial (yo nun suelo comelos con morciella).


De segundos, Bacaláu Guisao con Pistu al Estilu de MaryLuz. El mio favoritu de tola comida, gloriosu.


Albóndiga de Vaca Vieya (Asturiana de los Valles) de Sariegu, en Mueyu de Tomate Natural con Crema de Pataca. Lo bono de tener les tos propies vaques ye que puedes aprovechales enteres nel to menú del día. Buenísima, nidia, y elegante. ¿A que nun paez un platu de menú del día? Pos nun foi creáu n'especial pa la ocasión, atopase davezu nel menú del Abrelatas.


A los postres casi nun llegamos, anque son toos caseros. Y van variandolos. Nesta ocasión compartimos unos cuantos al centru, como Tarta de Quesu.


o Crema de quesu con frutos coloraos. Buenísimos.


L'Abrelatas fai munches cuesas bien, ensin grandes fachendes, creciendo adulces, y ensin parar de da-y valor a lo nueso. ¡Por eso préstanos tanto!


No hay comentarios

Publicar un comentario