Teléfonu: 985 612 803
Aconseyamos: Ganadería propia
Calidá: 3/5
Calidá: 3/5
Preciu: 23€
Facebook: https://www.facebook.com/La-Encruceyada/
Comentarios: Sobre'l 2011 o 2012 empezamos coles primeres Farturrutes, nome que-y debemos al gran Javi Díaz. Ya una de les primeres que fiximos foi al Tabayón del Mongayu, con comida posterior en Casa Amalia. Casa Amalia (o'l Parador de Tarna) cerró al poco por xubilación, y había qu'anovar les semeyes, asina que decidimos volver al Tabayón y parar en comer nun sitiu de que tol mundu falóme perbién y tenía-y munches ganes, La Encruceyada.
Empecemos con un par d'aclaraciones. Lleemos escritu Mongallu o Mongayu. El topónimu ye Mongayu, con Y. Y tamién lleemos "Cascada del Tabayón del Mongayu". Bien, en llingua asturiana Tabayón significa Planta [ensuga de maíz]. @2 Saltu [pequeñu d’enagua]. @3 Pedazu [de madera pa suxetar la hombrera de la panadera o zurrón]. Polo tanto, dicir "cascada del Tabayón" ye redundante. Cascada del Mongayu en castellán; Tabayón del Mongayu n'asturianu.
Salimos caminando dende'l pueblu de Tarna. Tien un pequenu aparcamientu al lláu la Ilesia. Un pueblu que prácticamente sumió por cuenta los bombardeos franquistes mientres la Guerra Civil, polo que la mayor parte de les construcciones qu'atopamos son modernes.
Camín bien señalizáu, y que na seronda ta daveres preciosu. Al kilómetru atopamos un encruz. Si vamos pola derecha, siguimos hasta'l Tabayón (8kms día y vuelta, bien llevaderos). Si tomamos el camín de la esquierda, vamos hasta los Rebollos (carbayos) del Llanu'l Toru. Son 4kms más, en cuestu, pero que paguen enforma la pena. El mio encamientu ye que xubáis, amás nun suel xubir casi naide.
Xubida por mediu del monte Saperu (nuedu podre nos árboles y plantes o un páxaru de presa), nun camín preciosu, ente fayes. Algámase'l Llanu'l Toru, una collada en mediu'l fayéu nel que destaquen dos Carbayos enormes. Nin idea los años que tienen, pero de xuru que munchos. Unos 12m d'altor, y un perímetru de 10m.
El segundu ye un pocu más pequenu, d'unos 7,5m. Son enormes.
Tornamos de vuelta al encruz, y vamos hasta'l Tabayón. Al poco cruciamos el Regueru La Requexada por una preciosa ponte de madera, perfectu pa parar a faer dalguna semeya.
Sigues caminando, y de llueñe yá empieces a escuchar el tabayón, yá'l fondu'l pimpanu Cuetu Negru. La vista de too'l valle según abre ye daveres espectacular. Baxes per La Campona y empieces una pequena ascensión hasta llegar al Tabayón.
El Tabayón del Mongayu cai dende'l Cuetu Negru (1582m), na Sierra'l Mongayu, y tres un percorríu pel ríu L'Ablanosa, llega hasta'l Nalón. Tien una cayida de más de 150m. y un saltu d'agua d'unos 60m. Ye daveres impresionante.
Lo guapo d'esta ruta ye que ye círcular, pero un argayu recién torga'l pasu pela segunda parte la ruta (ta indicáu nel cartelu d'entamu la ruta), asina que tuvimos que volver pol mesmu camín d'ida. Encamientu, la ruta cobra muncha más vida en primavera col destemple, y la seronda polos colores del monte.
Volvemos al coche, y baxamos hasta La Encruceyada. Restorán que s'atopa xusto antes de llegar a Caliao, y una curva, con ponte incluyida, y unes vistes maraviyoses. Tien un pequenu aparcamientu, y los fines de selmana siempres ta llenu, asina qu'acutái.
Según entres, zona de barra y comedor. Decoracion de chigre, bien guapa. Xubes per unes escaleres de madera y apuertes al comedor del pisu cimeru. Clásicu, pero bien guapu.
Sosprendiónos que nun hubiera en carta nengún primeru de cuyar, asina que pidimos el so Chorizu (3€), que ye de matanza propia. Buenísimo. Picante.
De segundu, pidimos Cabritu. De los meyores que probemos. Ración enorme, amás. Vien nuna bandexa con pataques frites y pimientos.
Y Entrecot. De matanza propia. Carne mozo, pero tienra, bien rica. Bona ración. Con pataques frites y pimientos.
De postres, Tarta de quesu Casín. Buenísima.
Y Requesón. Tamién bien ricu.
Pa beber, copa de vinu y agua.
Pagamos por tou 47€. Relación calidá-preciu esceicional.
Facebook: https://www.facebook.com/La-Encruceyada/
Comentarios: Sobre'l 2011 o 2012 empezamos coles primeres Farturrutes, nome que-y debemos al gran Javi Díaz. Ya una de les primeres que fiximos foi al Tabayón del Mongayu, con comida posterior en Casa Amalia. Casa Amalia (o'l Parador de Tarna) cerró al poco por xubilación, y había qu'anovar les semeyes, asina que decidimos volver al Tabayón y parar en comer nun sitiu de que tol mundu falóme perbién y tenía-y munches ganes, La Encruceyada.
Empecemos con un par d'aclaraciones. Lleemos escritu Mongallu o Mongayu. El topónimu ye Mongayu, con Y. Y tamién lleemos "Cascada del Tabayón del Mongayu". Bien, en llingua asturiana Tabayón significa Planta [ensuga de maíz]. @2 Saltu [pequeñu d’enagua]. @3 Pedazu [de madera pa suxetar la hombrera de la panadera o zurrón]. Polo tanto, dicir "cascada del Tabayón" ye redundante. Cascada del Mongayu en castellán; Tabayón del Mongayu n'asturianu.
Salimos caminando dende'l pueblu de Tarna. Tien un pequenu aparcamientu al lláu la Ilesia. Un pueblu que prácticamente sumió por cuenta los bombardeos franquistes mientres la Guerra Civil, polo que la mayor parte de les construcciones qu'atopamos son modernes.
Camín bien señalizáu, y que na seronda ta daveres preciosu. Al kilómetru atopamos un encruz. Si vamos pola derecha, siguimos hasta'l Tabayón (8kms día y vuelta, bien llevaderos). Si tomamos el camín de la esquierda, vamos hasta los Rebollos (carbayos) del Llanu'l Toru. Son 4kms más, en cuestu, pero que paguen enforma la pena. El mio encamientu ye que xubáis, amás nun suel xubir casi naide.
Xubida por mediu del monte Saperu (nuedu podre nos árboles y plantes o un páxaru de presa), nun camín preciosu, ente fayes. Algámase'l Llanu'l Toru, una collada en mediu'l fayéu nel que destaquen dos Carbayos enormes. Nin idea los años que tienen, pero de xuru que munchos. Unos 12m d'altor, y un perímetru de 10m.
El segundu ye un pocu más pequenu, d'unos 7,5m. Son enormes.
Tornamos de vuelta al encruz, y vamos hasta'l Tabayón. Al poco cruciamos el Regueru La Requexada por una preciosa ponte de madera, perfectu pa parar a faer dalguna semeya.
Sigues caminando, y de llueñe yá empieces a escuchar el tabayón, yá'l fondu'l pimpanu Cuetu Negru. La vista de too'l valle según abre ye daveres espectacular. Baxes per La Campona y empieces una pequena ascensión hasta llegar al Tabayón.
El Tabayón del Mongayu cai dende'l Cuetu Negru (1582m), na Sierra'l Mongayu, y tres un percorríu pel ríu L'Ablanosa, llega hasta'l Nalón. Tien una cayida de más de 150m. y un saltu d'agua d'unos 60m. Ye daveres impresionante.
Lo guapo d'esta ruta ye que ye círcular, pero un argayu recién torga'l pasu pela segunda parte la ruta (ta indicáu nel cartelu d'entamu la ruta), asina que tuvimos que volver pol mesmu camín d'ida. Encamientu, la ruta cobra muncha más vida en primavera col destemple, y la seronda polos colores del monte.
Volvemos al coche, y baxamos hasta La Encruceyada. Restorán que s'atopa xusto antes de llegar a Caliao, y una curva, con ponte incluyida, y unes vistes maraviyoses. Tien un pequenu aparcamientu, y los fines de selmana siempres ta llenu, asina qu'acutái.
Según entres, zona de barra y comedor. Decoracion de chigre, bien guapa. Xubes per unes escaleres de madera y apuertes al comedor del pisu cimeru. Clásicu, pero bien guapu.
Sosprendiónos que nun hubiera en carta nengún primeru de cuyar, asina que pidimos el so Chorizu (3€), que ye de matanza propia. Buenísimo. Picante.
De segundu, pidimos Cabritu. De los meyores que probemos. Ración enorme, amás. Vien nuna bandexa con pataques frites y pimientos.
Y Entrecot. De matanza propia. Carne mozo, pero tienra, bien rica. Bona ración. Con pataques frites y pimientos.
De postres, Tarta de quesu Casín. Buenísima.
Y Requesón. Tamién bien ricu.
Pa beber, copa de vinu y agua.
Pagamos por tou 47€. Relación calidá-preciu esceicional.
No hay comentarios
Publicar un comentario