Nueva Visita: Abrelatas

Señes: Ería del Hospital, 5 - La Pola Sieru

Teléfonu: 984 182 245

Web: http://www.abrelatas.info/
Facebook: https://es-es.facebook.com/abrelatas.restaurante
Twitter: [@abrelattas] https://twitter.com/abrelattas

Anterior Visita: https://lesfarturesast.blogspot.com/2019/01/abrelatas-presentacion-llibru-menu-les.html
Calidá: 4/5
Preciu: 11€

Comentarios: Siguimos falándovos de sitios onde comimos últimamente menú del día y prestónos. Ún de los nuesos favoritos, polo xeneral, pero pa menúes en particular, ye l'Abrelatas.

2 primeros y 2 segundos a escoyer, más postre y café por solu 11€. Ensin dulda, el meyor menú que conocemos. Relación calidá-preciu insuperable.

Nós pidimos Pataques Guisada con Costielles. Espectacular. Platazu col sabor a guisu d'antes. Buenísimo. Amás, bonos cachos de costiella y bien nidies.

Había amás Ensalada de Frutes Fresques de Temporada con Crema de yogur Griego. ¿Postre o Entrante? Probelu y taba buenísimo.

Y Hamburguesa Criolla con Mermelada de Piquillo y Pan Brioche. Otra maravía, casi meyor que comer los criollos solos. Desfaen el criollu y faenlo ellos, manualmente, hamburguesa. Bonísimos amás con esi toque duce de la mermelada.

De postre, Troncu de Chocolate y Galleta. O Tarta de Flan y Almendra o Crema de Quesos y Frutos Coloraos. Probé los trés y bien ricos, pero la tarta de flan y almendra ta espectacular.

Pa beber, un Mencía 100% xóven, anque en curtiu van danos dalguna sorpresa. Nós amás, tomamos una Cotoya, que foi xenial cola comida.