Calidá: 4/5
Preciu: 40€
Anterior Visita: https://lesfarturesast.com/2019/02/el-pintu-2-cocineros-vs-2-confiteros.html
Anterior Visita: https://lesfarturesast.com/2019/02/el-pintu-2-cocineros-vs-2-confiteros.html
Comentarios: Del A 22 Manes que se celebró n'Avilés salieron munches coses bones; la principal, un bon dineru recaldáu pa una asociación de discapacitaos, pero gastronómicamente falando, la constatación qu'hai una xeneración de cocineros nuevos que vien triando perfuerte, y, nel artículu que vos voi a cuntar güei, que dacuando, dalgunu d'ellos s'andecha y pasen coses xeniales.
Diego García ta llevando El Pintu y Llaviana a ser, adulces, un referente de la cocina asturiana. Cocina tradicional, con dalgún toque de creatividá, respetando enforma'l productu, y a precios algamadizos. Colos pies nel suelu, cencellez y apostando pol productu asturianu.
Nunca azorronó la so almiración por Borja Alcazar, otru cocineru daveres mozu, que lleva munchos años dándonos munches allegríes, que yá ye un referente en munches coses y que nin imaxináis tolo que ta por venir. Asina qu'en cuantes cuadraron feches, y tres el bon rollu creáu nel A 22 Manos, decidieron faer daqué xuntos.
A la xunta hai que sumar a David Montes, otru d'esos cocineros qu'adulces (diba dicir "de forma callada", pero a David nun lo calles nin afogáu) ta faciéndose un nome destacáu na nuesa gastronomía. Sabe de too, de cocina asiática, de parrilla, de carne de caza, de pesca ... y tamién de caldos y cocina más ellaborao. Tanto ye asina, que si mires el so curriculum, tien collaboraciones con munchos cocineros bien grandes n'Asturies. Esperemos qu'en curtiu dea dalguna sorpresa abriendo'l so propiu local.
El cuartu y postreru, pero non el menos importante, foi Oliver Peon, cocineru del Pintu, y que se llanzó a ellaborar postres, que nos sosprendieron a toos pa perbién. Gran fichaxe.
¿Un menú degustación con bébora @100% asturiana? Llevamos años reinvindicándolo. Y funcionó perbien. Empezamos con una Cerveza Cotoya Original. Una cerveza de tipu inglesa (strong bitter) de 5,6%. Tien bona espluma, color marrón. Arumes a malta con un toque de carambelu. Y sabor que convida siempres a otru tragu. Malta y un toque amargosu a la fin. Una cerveza qu'entra sola. Perbona y perfecta pa empezar.
Y qué meyor manera d'empezar que col Bombón de Chocolate con Lleche y Gochu Asturcelta guisáu al Porto. Esa maravía de Borja Alcázar que podríamos comer ensin cansanos y qu'esperamos que nunca cole de la so carta. Un bombón relleno de carrillera de gochu asturcelta, con esi contraste de sabores y testures (ye xenial ver cómo esplota'l líquidu na boca al primer mordigañu) que tanto gusta y sospriende. Amás, tien un toque más allegre qu'otres vegaes.
Siguimos col toque exóticu de la nueche de la mano de David Montes. Nigiri de Pitu y Azafrán / Regalíz de Salmón. Nigiri nidiu y algamadizu pa tomar de bocáu, con un arroz perfecto. Pero'l Regalíz de Salmón ye brutal. Otra esplosión na boca, ente dulce y afumáu, y con esa testura a regaliza que fai que tengas que mazcar un pelín. Xenial.
Col siguiente platu, camudamos a La Descarga Blanco, de bodegues Obanca. Fora de la DOP Cangas. Un blancu frutal, con bona acidez, toques a piescu, con más personalidá que munchos blancos de fora y que nos gustó. Un vinu que de xuru ta más bonu si nun lo tomes del añu.
Tocó-y la vez a Diego García cola so Capuccino de Pote Asturianu. Espectacular. Pote en crema nun vasu, con una fueya de verdura cruxente presidiendo. Yá'l compangu aparte, con testura cruxente y sabor picante al empar.
Sabor de siempre del pote yá'l so compangu, pero con distintes testures. Xenial.
Los trés Colloraos ... Llagostín, Sandía y Tomate. David Montes diba preparalo con atún coloráu, pero por problemes d'última hora hubo que sustituyilo por llagostinos. Da igual. Combinación xenial ente sandía y tomate con sabor a mar. Platu refrescante, con otros contraste de testures y una mayonesa de crema de tinta de calamar con un toque picante que ... voló.
Viénonos perbién enfrescar la boca col platu, porque nos esperaba otra vuelta a los oríxenes dende la visión más moderna de la cocina, pero col sabor de siempre. Orixe Sariegu ... Güevos, Pataques, Pimientos y Chorizu, nun tarru de siempre, con una cuyar pa entemecelo tou, y notar esi sabor que tanto nos recuerda a la cocina la nuesa güela.
Una maravía. Orixe Sariegu nun podía llevar otru nome que nun sía'l de Borja Alcázar.
Camudamos a La Descarga Tinto. Tintu de 2015. Entra xenial, y va perfeutu cola carne potente. Otru vinu que da la sensación que con unos años más, va dir a más.
Diego García volvió a la carga con otra combinación xenial, Lasaña Cruxente de Pitu Caleya y Trompetes de los Muertos. El pitu caleya esmigayáu, nidiu y dando un contraste xenial al cruxente. Pero ensin dulda, lo meyor del platu ye'l caldu amenorgáu que lleva de fondu, una maravía.
Yá empezábamos a amorrentar, pero inda nos quedaba otru platu xenial, Corzín en dos cocciones con Calabaza y Pataca, de David Montes. Corzín esmigayáu con una base de pimentón y pataca, y otru caldu de base con munches hores detrás que taba buenísimo. Yá'l lláu, una costiella del corzín, pa comer coles manes, nidia, con una carne que desfái y que da'l contraste xenial pa comer la mesma carne de dos maneres posibles. Bonísimo.
A los postres costó llegar, pero había que probalos. Los dos de Oliver Pion. Composición Cítrica a la Vainilla. Un postre cítricu xenial pa enfrescar, pero con un puntu arriesgáu al añedir la fueya de llimón yá'l pomelu. Encantónos, amás del puntazu atrevíu de salise lo típico.
Pero'l que nos terminó de namorar foi'l Milfueya Actualizáu. Flor, cruxente, crema, toque de pistachu ... espectacular amiestu.
Tou esto por 40€. 1 día, dos vegaes de cena y llenu hasta los topes. Un ésitu qu'esperemos que pueda repitir porque hubo munches persones que se quedaron ensin esfrutalo.
Diego García ta llevando El Pintu y Llaviana a ser, adulces, un referente de la cocina asturiana. Cocina tradicional, con dalgún toque de creatividá, respetando enforma'l productu, y a precios algamadizos. Colos pies nel suelu, cencellez y apostando pol productu asturianu.
Nunca azorronó la so almiración por Borja Alcazar, otru cocineru daveres mozu, que lleva munchos años dándonos munches allegríes, que yá ye un referente en munches coses y que nin imaxináis tolo que ta por venir. Asina qu'en cuantes cuadraron feches, y tres el bon rollu creáu nel A 22 Manos, decidieron faer daqué xuntos.
A la xunta hai que sumar a David Montes, otru d'esos cocineros qu'adulces (diba dicir "de forma callada", pero a David nun lo calles nin afogáu) ta faciéndose un nome destacáu na nuesa gastronomía. Sabe de too, de cocina asiática, de parrilla, de carne de caza, de pesca ... y tamién de caldos y cocina más ellaborao. Tanto ye asina, que si mires el so curriculum, tien collaboraciones con munchos cocineros bien grandes n'Asturies. Esperemos qu'en curtiu dea dalguna sorpresa abriendo'l so propiu local.
El cuartu y postreru, pero non el menos importante, foi Oliver Peon, cocineru del Pintu, y que se llanzó a ellaborar postres, que nos sosprendieron a toos pa perbién. Gran fichaxe.
¿Un menú degustación con bébora @100% asturiana? Llevamos años reinvindicándolo. Y funcionó perbien. Empezamos con una Cerveza Cotoya Original. Una cerveza de tipu inglesa (strong bitter) de 5,6%. Tien bona espluma, color marrón. Arumes a malta con un toque de carambelu. Y sabor que convida siempres a otru tragu. Malta y un toque amargosu a la fin. Una cerveza qu'entra sola. Perbona y perfecta pa empezar.
Y qué meyor manera d'empezar que col Bombón de Chocolate con Lleche y Gochu Asturcelta guisáu al Porto. Esa maravía de Borja Alcázar que podríamos comer ensin cansanos y qu'esperamos que nunca cole de la so carta. Un bombón relleno de carrillera de gochu asturcelta, con esi contraste de sabores y testures (ye xenial ver cómo esplota'l líquidu na boca al primer mordigañu) que tanto gusta y sospriende. Amás, tien un toque más allegre qu'otres vegaes.
Siguimos col toque exóticu de la nueche de la mano de David Montes. Nigiri de Pitu y Azafrán / Regalíz de Salmón. Nigiri nidiu y algamadizu pa tomar de bocáu, con un arroz perfecto. Pero'l Regalíz de Salmón ye brutal. Otra esplosión na boca, ente dulce y afumáu, y con esa testura a regaliza que fai que tengas que mazcar un pelín. Xenial.
Col siguiente platu, camudamos a La Descarga Blanco, de bodegues Obanca. Fora de la DOP Cangas. Un blancu frutal, con bona acidez, toques a piescu, con más personalidá que munchos blancos de fora y que nos gustó. Un vinu que de xuru ta más bonu si nun lo tomes del añu.
Tocó-y la vez a Diego García cola so Capuccino de Pote Asturianu. Espectacular. Pote en crema nun vasu, con una fueya de verdura cruxente presidiendo. Yá'l compangu aparte, con testura cruxente y sabor picante al empar.
Sabor de siempre del pote yá'l so compangu, pero con distintes testures. Xenial.
Los trés Colloraos ... Llagostín, Sandía y Tomate. David Montes diba preparalo con atún coloráu, pero por problemes d'última hora hubo que sustituyilo por llagostinos. Da igual. Combinación xenial ente sandía y tomate con sabor a mar. Platu refrescante, con otros contraste de testures y una mayonesa de crema de tinta de calamar con un toque picante que ... voló.
Viénonos perbién enfrescar la boca col platu, porque nos esperaba otra vuelta a los oríxenes dende la visión más moderna de la cocina, pero col sabor de siempre. Orixe Sariegu ... Güevos, Pataques, Pimientos y Chorizu, nun tarru de siempre, con una cuyar pa entemecelo tou, y notar esi sabor que tanto nos recuerda a la cocina la nuesa güela.
Una maravía. Orixe Sariegu nun podía llevar otru nome que nun sía'l de Borja Alcázar.
Camudamos a La Descarga Tinto. Tintu de 2015. Entra xenial, y va perfeutu cola carne potente. Otru vinu que da la sensación que con unos años más, va dir a más.
Diego García volvió a la carga con otra combinación xenial, Lasaña Cruxente de Pitu Caleya y Trompetes de los Muertos. El pitu caleya esmigayáu, nidiu y dando un contraste xenial al cruxente. Pero ensin dulda, lo meyor del platu ye'l caldu amenorgáu que lleva de fondu, una maravía.
Yá empezábamos a amorrentar, pero inda nos quedaba otru platu xenial, Corzín en dos cocciones con Calabaza y Pataca, de David Montes. Corzín esmigayáu con una base de pimentón y pataca, y otru caldu de base con munches hores detrás que taba buenísimo. Yá'l lláu, una costiella del corzín, pa comer coles manes, nidia, con una carne que desfái y que da'l contraste xenial pa comer la mesma carne de dos maneres posibles. Bonísimo.
A los postres costó llegar, pero había que probalos. Los dos de Oliver Pion. Composición Cítrica a la Vainilla. Un postre cítricu xenial pa enfrescar, pero con un puntu arriesgáu al añedir la fueya de llimón yá'l pomelu. Encantónos, amás del puntazu atrevíu de salise lo típico.
Pero'l que nos terminó de namorar foi'l Milfueya Actualizáu. Flor, cruxente, crema, toque de pistachu ... espectacular amiestu.
Tou esto por 40€. 1 día, dos vegaes de cena y llenu hasta los topes. Un ésitu qu'esperemos que pueda repitir porque hubo munches persones que se quedaron ensin esfrutalo.
No hay comentarios
Publicar un comentario