Teléfonu: 985 225 215
Instagram: [@el.ferroviario] https://instagram.com/el.ferroviario
Anterior Visita: https://lesfarturesast.com/2018/08/ferroviario-preba-de-quesos-daitor-luis.html
Preciu: 35€
Comentarios: Llevamos munchos años reinvindicando que'l binomiu sidra y bona gastronomía ye posible, y siempres que podemos encamentámosvos los sitios onde lu faen posible. Güei volvémos a falar d'ún d'esos sitios que, de primeres, tien toles papeletes pa comer mal, pero onde siempres que fuimos, a pesar de tar siempres llenu, comimos bien o perbién.
La cai Gascona, "el bulevar de la sidra", cumple tou pa salir fuxendo d'ellí, muncha xente, muncho turista, comida pensanda para fartar rápidu ... pero dende va unos años, cola apertura de nuevos locales, l'enclín ta camudando. Sigue siendo un sitiu con bien de xente, pero casi ta convirtiendose nel únicu sitiu onde tomar sidra n'Uviéu, y el nivel ta xubiendo, tanto sidreru como gastronómicu.
El cambéu de manes d'una de les sos sidreríes más mítiques, el Ferroviariu y la so igua, ayudó nesi cambéu. Ye un local enorme, nuevu, y bien guapu, que caltien la esencia del local orixinal. Tien más palos de sidra que naide en Asturies, ta en plenu epicentru turísticu, echen la sidra en tol local, y nun desdexen la cocina.
Comimos trés persones. Empezamos con una cayuela de Cecina de Llión. Bien rica.
Una auténtica maravía, Tomates con Venstresca de Bonitu. Tomates de güerta a pocos Kms d'Uviéu. Esceicionales. La ventresca de bonitu de llata, perbona tamién. Platazu.
Un platu que yá nos prestó l'anterior vegada que fuimos, Verdures Saltiaes al Wok con Gochín Asturcelta. Mui bona. Contrastes de colores y sabores. Platazu enorme con bones cantidaes del gochín.
Y acabamos con un Chuletón de Vaca Vieya Gallega, que como veis, tien unes dimensiones enormes.
Puntu perfectu. Sabor perfecto. Mui recomendable. Con unes pataques y unos pimientos. Platazo.
A los postres nun llegamos.
Pa beber, alternamos Viuda de Angelón cola so Denominación de Orígen, Prau Monga.
110€ tou. Con unes cuantes botelles de sidra. Esceicional comida con productu perbién tratáu. Gran sitiu'l Ferroviario.
Acepta TicketsRestaurant.
No hay comentarios
Publicar un comentario