Teléfonu: 985 840 991
Web: http://www.casamarcial.com/
Facebook: https://www.facebook.com/Nacho-Manzano
Twitter: [@nachomanzano] https://twitter.com/nachomanzano
Instagram: [@chefnachomanzano] https://www.instagram.com/chefnachomanzano/
Visita Anterior: https://lesfarturesast.blogspot.com/2017/11/nueva-visita-casa-marcial.html
Calidá: 5/5
Web: http://www.casamarcial.com/
Twitter: [@nachomanzano] https://twitter.com/nachomanzano
Instagram: [@chefnachomanzano] https://www.instagram.com/chefnachomanzano/
Visita Anterior: https://lesfarturesast.blogspot.com/2017/11/nueva-visita-casa-marcial.html
Calidá: 5/5
Preciu: 90€
Comentarios: Casa Marcial lleva abiertu como Casa de Comíes dende 1898, pero anguaño, cumple'l so 25 Aniversariu dende que los sos fíos, los hermanos Manzano - Nacho, Esther, Sandra y Olga -, fixéronse cargu del local iguándolo, allá en 1993.
Muncho camudó dende entonces, 2 estrelles michelín, 3 soles repsol, ensame de premios, reconocencies internacionales, otra estrella michelín en La Salgar, Gloria, restoranes n'otros paises ... y siempres calteniendo l'estilu de chigre y de casa de comíes nuna aldega asturiana, que fai de Casa Marcial un sitiu únicu.
Por mor del so 25 Aniversariu, lleven tol añu entamando actos especiales, como cenes con otros grandes cocineros invitaos (que van retomar en setiembre y esperamos dir a dalguna) y un Menú Especial 25 Aniversariu onde puedes volver probar los grandes platos que llevaron a Casa Marcial al ésitu.
El menú xune a los que suelen ufiertar davezu na casa, y que van camudando según temporada. Abeu curtiu y llargu, al que se sumó como novedá anguaño'l volver ufiertar serviciu de carta. Tou un aciertu.
Empezamos na recepción del restorán con un tintu (a pidimientu nuesu) asesoráos por Juan Luis García, sumiller de Casa Marcial. Singulier Trousseau 2014. Frescu y ácidu al empar. Bien ricu. Tamién quedamos nes sos manes para maridar la comida col vinu. Tuvo momentos gloriosos y otros que ... meyor sigue lleendo.
Yá sentaos na mesa, solos na sala, en mesa de 6, camudamos al Virguería 2015 (Sevilla). Vinu salino perfectu pa empezar, una especie de palu cortáu a la metá, distintu a lo que tamos acostumáos. Inclusive tien un toque a lleldu ...
Colos entrantes, Amasuela Natural col so Sofritu y Xarazáu d'Amasuela. Xenial esi granizáu. Dos amasueles, en distintes testures pa esfrutar. Perbonu.
Cruxente d'Algues con Xel de Llimón. Presentación espectacular d'una miniatura qu'entemez alga con cítricos. Cruxente. Pa tomar d'un bocáu.
El chascu la nueche vino col cambéu de bébora. Cerveza Mahou Barrica Orixinal. Dafechu indinu del llocal. Un intentu de les grandes industries cerveceres españoles d'averase a la puxanza de la cerveza artesano, y que fixo una cerveza bebible, pero non al altor del nivel del los vinos del menú. Hai opciones cerveceres, artesanes ya industriales, infinitamente meyores y más fayadices al platu y al local.
Croqueta de Xamón. Nun fai falta presentar la que de xuru ye la meyor croqueta que vas probar enxamás. Espectacular.
El Pitu y la so Redolada. Un cruxente de maíz asonsañando una cresta de gallu con un mueyu nidiu con sabor a pitu.
Acabamos los entrantes con un Revueltu la Casa sobro Tortu de Maíz. La primer creación de Nachu Manzano con 13 años. Nes sos propies palabres:
Empezamos colos platos. Verdures veraniegues con emulsión de arbequina y tomate. Foi'l platu que menos namoró de toos. Eso sí, el tomate espectacular. Nabu, pepinu y emulsión d'almendra, que al tar fría, apenes s'apreciaba.
Muncho camudó dende entonces, 2 estrelles michelín, 3 soles repsol, ensame de premios, reconocencies internacionales, otra estrella michelín en La Salgar, Gloria, restoranes n'otros paises ... y siempres calteniendo l'estilu de chigre y de casa de comíes nuna aldega asturiana, que fai de Casa Marcial un sitiu únicu.
Por mor del so 25 Aniversariu, lleven tol añu entamando actos especiales, como cenes con otros grandes cocineros invitaos (que van retomar en setiembre y esperamos dir a dalguna) y un Menú Especial 25 Aniversariu onde puedes volver probar los grandes platos que llevaron a Casa Marcial al ésitu.
El menú xune a los que suelen ufiertar davezu na casa, y que van camudando según temporada. Abeu curtiu y llargu, al que se sumó como novedá anguaño'l volver ufiertar serviciu de carta. Tou un aciertu.
Empezamos na recepción del restorán con un tintu (a pidimientu nuesu) asesoráos por Juan Luis García, sumiller de Casa Marcial. Singulier Trousseau 2014. Frescu y ácidu al empar. Bien ricu. Tamién quedamos nes sos manes para maridar la comida col vinu. Tuvo momentos gloriosos y otros que ... meyor sigue lleendo.
Yá sentaos na mesa, solos na sala, en mesa de 6, camudamos al Virguería 2015 (Sevilla). Vinu salino perfectu pa empezar, una especie de palu cortáu a la metá, distintu a lo que tamos acostumáos. Inclusive tien un toque a lleldu ...
Colos entrantes, Amasuela Natural col so Sofritu y Xarazáu d'Amasuela. Xenial esi granizáu. Dos amasueles, en distintes testures pa esfrutar. Perbonu.
Cruxente d'Algues con Xel de Llimón. Presentación espectacular d'una miniatura qu'entemez alga con cítricos. Cruxente. Pa tomar d'un bocáu.
El chascu la nueche vino col cambéu de bébora. Cerveza Mahou Barrica Orixinal. Dafechu indinu del llocal. Un intentu de les grandes industries cerveceres españoles d'averase a la puxanza de la cerveza artesano, y que fixo una cerveza bebible, pero non al altor del nivel del los vinos del menú. Hai opciones cerveceres, artesanes ya industriales, infinitamente meyores y más fayadices al platu y al local.
Croqueta de Xamón. Nun fai falta presentar la que de xuru ye la meyor croqueta que vas probar enxamás. Espectacular.
El Pitu y la so Redolada. Un cruxente de maíz asonsañando una cresta de gallu con un mueyu nidiu con sabor a pitu.
Acabamos los entrantes con un Revueltu la Casa sobro Tortu de Maíz. La primer creación de Nachu Manzano con 13 años. Nes sos propies palabres:
Surdió nuna comida que los mios pas diéren a unos mélicos. Dempués de pasar la tardi nel restorán fui col mio pa a buscar yerba pal ganáu y coméntame que cunta con que diben a quedar a cenar y nun había muncha comida que da-yos. Yo sabedor de que los tortos de la mio madre yeren únicos yá que tenía referencies de los fechos peles vecines del pueblu, al ser una ellaboración popular na mio zona. Mientres ayudaba al mio pa imaxiné poner enriba una cebolla con quesu. Cuando llegamos a casa punxi manes a la obra yá que tal como dixo'l mio pa quedáronse a cenar y ufrí-yoslo. Foi un ésitu total nesi momentu. Yo nun sabía perbién si taba tan bonu o yera la fame que teníen. Ese mesmu añu ufiertelo a amigos de la casa y toos coincidíen en que taba daveres bonu. Nueve años más tarde cuando volví de faer el mio aprendizaxe, namás tenía una cosa clara, qu'esti platu diba tar na mio primer carta. Como anécdota curiosas eguimos sirviéndolo, forma parte de la mio hestoria y entá plantegándome quitalo considero que sería una perda d'identidá del restorán. Años posteriores en tola gastronomía asturiana'l tortu con distintes coses enriba pasí a ser un platu totalmente identificáu cola cocina asturiana.
Empezamos colos platos. Verdures veraniegues con emulsión de arbequina y tomate. Foi'l platu que menos namoró de toos. Eso sí, el tomate espectacular. Nabu, pepinu y emulsión d'almendra, que al tar fría, apenes s'apreciaba.
Tres el lapsus de la cerveza, camudamos a la manzanilla, un habitual na casa. Manzanilla La Arboledilla Poniente y Manzanilla La Arboledilla Llevante (Sanlucar de Barrameda). Un proyeutu de Bodegues Barbadillo nel qu'esbilla barriques de manzanilla de la mesma edá de crianza asitiaes n'estremos opuestos de la mesma bodega. 200 metros entre una y otra. Ye'l mesmu vinu, pero nun lo paez. Ye xenial comprobar esi contraste y, amás, va a la perfección col siguiente platu, una de les estrelles de la casa.
Pieles de Sardina. Sardina interpretada de dos maneres, cocida y al vapor. Diferencia de sabores y testures. Con un aliñu dressing xaponés. La primer sardina apurre cruxente y testures, y l'otra sabor. Una maravía de platu.
Una de la sorpreses de la nueche foi'l Soalheiro Espumante Brutu Branco (Vinho Verde). Un esplumosu d'Albariño de Portugal, con un toque cítricu, qu'aguanta na boca, enfresca y esi puntu d'acidez que tanto nos presta. Bonu.
Comímoslo con Coláxenu, Biltos de Berros y Nabu Encurtíu. Un platu pa tomar en trés partes. A los estremos, anguila y nel centru, oreya de gochu. Impresionante platu, con un amiestu ente anguila, gochu y un caldu amenorgáu p'acabar coles esistencies de pan. Pan qu'a éstes empiecen a ufiertate nesti platu (asina s'indica nel menú). Ufierten trés distintos, de centenu, de trigu y de lleche y almendra.
La perfección fecha platu foi la Ventresca a la brasa con Zusmiu de los sos Escayos. Foi difícil escoyer ún, pero foi'l mio favoritu de la nueche. Dos cachos de ventresca, una afumada y otra fecha nel so propiu zusmiu. Zusmiu que por cierto taba increíble.
Camudamos a otru vinazu, Murua Reserva 2001 (Rioja). Pergrande Rioja, elegante y con una rcp bien bona.
Otru clásicu de la casa, Arroz con Pitu Caleya. Nada que dicir a ún de los sos platos estrella y que taba daveres bonu. Pitu de los bonos presidiendo un arroz que sabía a pitu. Bien ricu.
Pa los postres, otra de les sorpreses de la nueche. Sidra de Xelu Ibernis. Del llagar El Gobernador. La primer sidra de xelu del llagar el Gobernador, nun ye la meyor ya inda-y falta, pero ye un aciertu qu'un llocal asina apueste por una bébora inda desconocida y que tien gran proyección de futuru. Fechu con mazana monovarietal verdialona. Y en botella magnum, daqué dafechu nuevu.
Con ella, ún de los mios postres favoritos de siempre. Panacotta d'Apiu. O lu ames o lu odies, y hubo división na mesa, pero a mi préstame pola vida.
Gran Fondillón Brotons 1970 (Alicante). Gran xenerosu, qu'entra solo a pesar de los sos 18%. Toque amargosu y vainilla. Bien ricu.
Y acabamos col so famosu Chocolate Menta y Pasión (Copa Xerez 2017). Aparentemente paez un postre "típicu" hasta que llegues al centru y afayes un granizáu de frutes de la pasión dientro'l chocolate. Fascinante.
Café iguando'l mundu na entrada.
Xenial repasu a 25 años d'hestoria. Y a perbon preciu. Dende una pequena aldega asturiana recibiendo visites de cualesquier parte del mundiu, ensin perder la esencia en nengún momentu, utilizando la nuesa cocina tradicional como base y poniendo a Asturies en valor al traviés de la so gastronomía. Sentímonos fondamente arguyosos de la familia Manzano y vamos tar ende pa celebrar los 25 siguientes. ¡A por ellos!
No hay comentarios
Publicar un comentario