Señes: Av. José García Bernardo, 256 - Xixón
Teléfonu: 985 362 936
Web: http://bellavista-gijon.com/
Facebook: https://www.facebook.com/bellavista.gijon/
Anterior Visita: https://lesfarturesast.com/2018/05/cena-de-la-sidra-de-gala-2017-premios.html
Comentarios: Un añu más, Asturies foi'l centru sidreru mundial gracies a la Fundación Asturies XXI. Celebróse'l VII Salón de la Sidra de Gala en Xixón, esto ye, sidra non escanciable, con representación de más de 15 países, y una fin de selmana llena d'actividaes alredor de la sidra.
Un intercambiu cultural perricu, pa conocer problemes, torgues y duldes particulares de cada territoriu, pero tamién p'axuntar fuercies, crear entamos y lluchar xuntos p'asitiar la sidra nel sitiu que merez. Y amás, un importante intercambiu económicu, con representantes d'árees comerciales de munchos países que pueden abrir nueves víes económiques cola sidra como nexu d'unión.
Una pena que'l Principáu d'Asturies nun vea esi potencial y nun unvie a los sos representantes pa sacar partíu d'esos nexos. Sobremanera, porque cuando fales con persones rellacionaes cola sidra d'otros territorios, reconocen Asturies como la madre la sidra, como l'epicentru mundial del qu'aprender, en cuando a ellaboración, plantíu de mazana, pero tamién, de consumu, rede de sidreríes y de cómo la sidra forma parte de la vida de los asturianos.
Les actividaes principales centren na Cena de Gala que se produz el vienres de nueche, nesta ocasión nel Restorán Bellavista, cola so preciosa terraza (de la que costó movenos al salón) como puntu d'alcuentru inicial pa charrar con collacios.
Ellí pudimos probar dalguna de la sidra que darréu resultaría premiada, y dalguna rareza como una sidra con ocle con un sabor intenso (abondo) a mar.
Yá sentaos na mesa, y con un amiestu de persones de distintos países, probemos el menú qu'empezó con un Timbal de llagostinos, mazana y aguacate.
Con Sidra 1947, del llagar Viuda de Angelón. La primer sidra de mesa crianza, avieyada mientres 4 meses en barriques de carbayu americanu y francés. Una maravía.
Hard Cider Angry Orchard Cuvée 2. Norteamericana. El mesmu conceutu que l'anterior, pero con una sabor a vainilla muncho más intensu.
Elegast. Sidra holandés, con toque afrutáu y final amargosu. Normalina.
Camudamos al Llombu de merluza'l Cantábricu al arume de Sidre. Bien ricu.
Con Rendez Voux, sidra d'un pequeñu llagar de Normandía, con una botella bien guapa y un amargu típicu de les mazanes de la zona. Gustónos.
Riestra Semiseca, vieya conocida y una de les semiseques más riques d'Asturies. Del llagar Riestra.
Mr. Plume Dry, sidra seco letona, qu'entra perbién, anque tien poco cuerpu.
Camudamos a la carne, La xata a baxa temperatura con puré trufáu y toques florales. Bien rica.
Pa beber, Poma Áurea, la esplumosa de Trabanco. Nun gustó.
Posma, sidra brut de Tenerife. Puntazu exóticu faer sidra en Tenerife, que resultó premiada otros años nel Sisga, y qu'anguaño coló de vacíu.
El postre foi La Mazana col so toque especial, una presentación de tarta de mazana orixinal, que nun trunfó.
Tomámosla con Caldea de Panizales, la nueva sidra de fueu de Panizales. Mui rica.
Y con Sidra de Xelu del llagar Cortina, con una presentación en botella preciosa.
Colos cafés, Aguardiente de Sidre San Juan del Obispo. Otra maravía asturiana.
Mientres la cena, repartiéronse los premios que decidió'l xuráu, compuestu por un representante de cada llagar participante nel SISGA, el día anterior.
Los premios anguaño tuvieron Asturies como trunfadora, sobremanera col Llagar Viuda de Angelón, que foi premiao en 7 de les 7 categoríes a les que se presentó, daqué únicu na hestoria del SISGA. Gran reconocencia a un llagar que nun para d'anovar ensin escaecer la tradición, y que nun para de collechar premios en tol mundu. Tamos bien arguyosos de Fran y la so familia.
A otru día, de 12 de la mañana a 9 la nueche. La tastia abierta a tol públicu pa probar esta sidra y munches más que traíen los distintos llagares. Nel Palaciu de Revillagigedo, una redolada daveres preciosa, ambiente sidrero, alcuentru de cultures distintes y munches ganes de pasalo bien.
Pagues 6€, copa na mano y puedes beber tola sidra del mundu que quieras. ¿Qué más se puede pidir? ¡¡VIII años de SISGA y esperemos que por munchos más!!
Anterior Visita: https://lesfarturesast.com/2018/05/cena-de-la-sidra-de-gala-2017-premios.html
Comentarios: Un añu más, Asturies foi'l centru sidreru mundial gracies a la Fundación Asturies XXI. Celebróse'l VII Salón de la Sidra de Gala en Xixón, esto ye, sidra non escanciable, con representación de más de 15 países, y una fin de selmana llena d'actividaes alredor de la sidra.
Un intercambiu cultural perricu, pa conocer problemes, torgues y duldes particulares de cada territoriu, pero tamién p'axuntar fuercies, crear entamos y lluchar xuntos p'asitiar la sidra nel sitiu que merez. Y amás, un importante intercambiu económicu, con representantes d'árees comerciales de munchos países que pueden abrir nueves víes económiques cola sidra como nexu d'unión.
Una pena que'l Principáu d'Asturies nun vea esi potencial y nun unvie a los sos representantes pa sacar partíu d'esos nexos. Sobremanera, porque cuando fales con persones rellacionaes cola sidra d'otros territorios, reconocen Asturies como la madre la sidra, como l'epicentru mundial del qu'aprender, en cuando a ellaboración, plantíu de mazana, pero tamién, de consumu, rede de sidreríes y de cómo la sidra forma parte de la vida de los asturianos.
Les actividaes principales centren na Cena de Gala que se produz el vienres de nueche, nesta ocasión nel Restorán Bellavista, cola so preciosa terraza (de la que costó movenos al salón) como puntu d'alcuentru inicial pa charrar con collacios.
Ellí pudimos probar dalguna de la sidra que darréu resultaría premiada, y dalguna rareza como una sidra con ocle con un sabor intenso (abondo) a mar.
Yá sentaos na mesa, y con un amiestu de persones de distintos países, probemos el menú qu'empezó con un Timbal de llagostinos, mazana y aguacate.
Con Sidra 1947, del llagar Viuda de Angelón. La primer sidra de mesa crianza, avieyada mientres 4 meses en barriques de carbayu americanu y francés. Una maravía.
Hard Cider Angry Orchard Cuvée 2. Norteamericana. El mesmu conceutu que l'anterior, pero con una sabor a vainilla muncho más intensu.
Elegast. Sidra holandés, con toque afrutáu y final amargosu. Normalina.
Camudamos al Llombu de merluza'l Cantábricu al arume de Sidre. Bien ricu.
Con Rendez Voux, sidra d'un pequeñu llagar de Normandía, con una botella bien guapa y un amargu típicu de les mazanes de la zona. Gustónos.
Riestra Semiseca, vieya conocida y una de les semiseques más riques d'Asturies. Del llagar Riestra.
Mr. Plume Dry, sidra seco letona, qu'entra perbién, anque tien poco cuerpu.
Camudamos a la carne, La xata a baxa temperatura con puré trufáu y toques florales. Bien rica.
Pa beber, Poma Áurea, la esplumosa de Trabanco. Nun gustó.
Posma, sidra brut de Tenerife. Puntazu exóticu faer sidra en Tenerife, que resultó premiada otros años nel Sisga, y qu'anguaño coló de vacíu.
Brut Ecusson, sidra brut seca francesa. Rica y fácil de beber.
El postre foi La Mazana col so toque especial, una presentación de tarta de mazana orixinal, que nun trunfó.
Tomámosla con Caldea de Panizales, la nueva sidra de fueu de Panizales. Mui rica.
Y con Sidra de Xelu del llagar Cortina, con una presentación en botella preciosa.
Colos cafés, Aguardiente de Sidre San Juan del Obispo. Otra maravía asturiana.
Mientres la cena, repartiéronse los premios que decidió'l xuráu, compuestu por un representante de cada llagar participante nel SISGA, el día anterior.
Los premios anguaño tuvieron Asturies como trunfadora, sobremanera col Llagar Viuda de Angelón, que foi premiao en 7 de les 7 categoríes a les que se presentó, daqué únicu na hestoria del SISGA. Gran reconocencia a un llagar que nun para d'anovar ensin escaecer la tradición, y que nun para de collechar premios en tol mundu. Tamos bien arguyosos de Fran y la so familia.
A otru día, de 12 de la mañana a 9 la nueche. La tastia abierta a tol públicu pa probar esta sidra y munches más que traíen los distintos llagares. Nel Palaciu de Revillagigedo, una redolada daveres preciosa, ambiente sidrero, alcuentru de cultures distintes y munches ganes de pasalo bien.
Pagues 6€, copa na mano y puedes beber tola sidra del mundu que quieras. ¿Qué más se puede pidir? ¡¡VIII años de SISGA y esperemos que por munchos más!!
No hay comentarios
Publicar un comentario