El Pintu - 2 Cocineros vs 2 Confiteros

Señes: Calle de la Libertad, 11 - La Pola Llaviana
Teléfonu: 984 045 505

Facebook: https://www.facebook.com/El-pintu

Instagram: [@el_pintu_laviana] https://www.instagram.com/el_pintu_laviana/

Calidá: 4/5

Preciu: 40€

Comentarios: Esti día comentábenme que la moda de faer "A 4 manes" empezaba a encher, y yo respondí que si toos fueren como'l que pudimos esfrutar n'El Pintu, podíen duraren tola vida.

Cuando ves esos nervios por faer les coses bien, y al empar prestu por esfrutar cocinando xuntos, ensin egos, n'equipu, eso tresmítese al platu, y nótase. Yá pudi esfrutar del bon tríu que faen en cocina Diego García, d'El Pintu; Andrés O. Pernás, d'Aguilar de Campoo (cocineru mientres munchos años y qu'anguaño la so vida profesional fora per otros caminos) y Alberto Ojeda, de Confitería d'Albert de La Felguera; nel Menú a 6 Manos qu'entamaron va unos años en Sidrería El Requexu. Pa esta ocasión, xuniose a la fiesta Héctor Martínez, de la confitería local Conchi, bien famosa na zona y que, xuntu cola d'Albert encamentámosvos (los bartolos de Conchi son memorables). 2 cocineros y 2 reposteros.

Pa beber, Agnus Blanco malvasía 2017. Un Rioja malvasía lleldáu en barriques. Pura fruta na boca. Albaricoque total.

Empezamos con un Ayublancu d'almendres turraes, sardina afumada, quenelle de quesu del duernu y güeves de trucha. Refrescante ayublancu pa empezar (Andrés ye un fanáticu del ayublancu, yá empezamos l'otru menú asina). Predomina'l sabo a almendra, y cuando llegues a la sardina ... perbona combinación.

Steak Tartar Vexetal de Tomate y zusmiu d'Aceituna. Ún de los mios favoritos de la nueche. Tartar de tomate con un sabor increíble, acompañáu d'un xeláu de tomate secu y con un toque d'aceituna qu'oldea bien col dulzuxu del tomate. Mui bonu.

Mazana Aceda rellena de picadiellu de centollu. Yá pudimos #probar nel A 22 Manos nel Centru Niemeyer, y foi unu de los platos que más prestó. Platu fechu en collaboración con Confitería Conchi, mousse dulce per fora rellenu con centollu. El centollu vien acompañáu de cebolla, pimientu ... lo qu'anidia'l so sabor.

De xuru el platu sería perfeutu si'l sabor del centollu marcárase inda más. Xenial, presentación, testura y sabor.

Chipirón na so Tinta rellenu de Carrillera de Gochu Asturcelta. Enorme chipirón, pero enorme, y rellenu de carrillera. Asina que podéis maxinar que'l platu yera abondo contundente. Ye una combinación estraña, pero que nos gustó. Acompañáu de cuscus.

Rollu de bonitu de Maria Luisa. El puntazo de la cena, ente tantes combinaciones y contrastes, Diego quixo faer un homenaxe a la cocina de la so güela Maria Luisa y presentónos un rollu clásicu, perricu, con un mueyu de tomate p'acabar coles esistencies de pan, y que nos encantó. Gracies fonderes María Luisa por apegar esti amor pola cocina al to nietu.

Camudamos de vinu, Agnus Autor Roble. Correutu.

Amorrentando yá ... Crepineta de Gochu Asturcelta  y Testura de Pataca. Panceta envolubrando'l gochu y distintes testures de pataca p'acompañar. Buenísimo.

Y llegamos a los postres, n'otres ocasiones sabéis que ye onde más acoxen esti tipu de menúes, pero con dos maestros como Alberto y Héctor ... empezamos con una Sopa de Té Colorao, Menta y Aire de Llima d'Alberto Ojeda. Otru de los favoritos de la nueche. Impresionante. Bien refrescante pa baxar la fartura. El toque de llima y de menta va xenial.

N'enfrescando la boca, camudamos al Cava Rosáu Blancher. Gustónos.

Otru postre increíble, El Mojito de Conchi. Xeláu de mojito, crema de llimón y un toque de yerbabuena. Contrastes y testures, un postre espectacular.

Menú de 40€, los dos díes llenu total. Ambiente xenial, y cocina de nivel. Encántanos ver esti tipu d'entamos nun llocal que tien enforma que dicir dende Llaviana. Gran nueche qu'esperemos que se convierta nuna convocatoria añal.