Arte Bianca


Señes: Rúa do Vento, 3 - Aljezur - Portugal
Teléfonu: +351 965 880 497


Facebook: https://www.facebook.com/artebianca.aljezur/
Instagram: [@arte_bianca_aljezur] https://www.instagram.com/arte_bianca_aljezur/


Comentarios: De vacaciones n'Aljezur, pueblín costeru al sur de Portugal con un par de restoranes clásicos tipu chigre, de pexe a la parrilla, bien ricos y baratos. Botella de vinu blanco la zona, productu de primera y factura perbarata. Una especie de paraísu llenu de sableres por afayar.


Anguaño, amás, probemos una pizzería nueva qu'abrieron, con una terraza bien guapa y unes pizzes que taben d'escándalu. Paez que tienen otru local nuna urbanización cercana, pero ensin dulda, tien muncho más encanto'l local nes cases baxes de pueblu d'Aljezur.


Per dientro, meses de madera, con abonda capacidá, anque pel branu suel tar siempres llenu (faéinos casu, que fuimos un par de vegaes). Terraza cotizadísima, y horarios de Portugal, asina que nada de cenar tardi.

Tienen una amplia carta de pizzes, anque'l mio encamientu ye que pidáis les Pizzes Gourmet. Son un pocu más cares pero merecen la pena. Tán buenísimes.


D'entrante pidimos una Ensalada Capresse, bien bona.


Pizza Portugal. Cebolla refogada en Vinu tinto Alentejano. Sardina del Algarve al llimón, tomate cherry confitáu, fio di latte (quesu fresco de vaca) y sal integral al vinu de Porto. Masa esponxoso, con un toque agriduz, anque gana'l dulce. Bien bona.


Les pizzes normales cuesten 12€. Ésta, al ser "gourmet", cuesta 17€. Ye enorme, nun pudimos llegar a los postres.


Pa beber, cerveza artesano portuguesa. Dois Corvales Sesion IPA. Que ta bien bona. Tienen una bona carta de vinos naturales.


Nun acepten tarxeta de creitu. Pagamos por tou 36€.

0 comentarios :

Publicar un comentario