Nueva Visita: Aramar


Señes: Sablera Aramar, entrada pela carretera d'Antromero, AS-239. Gozón
Teléfonu: 634524651


Aconseyamos: Va prestavos too.


Calidá: 4/5
Preciu: 30€


Facebook: https://www.facebook.com/pages/Aramar-Playa/
Instagram: [@aramarplaya] http://instagram.com/aramarplaya
Anterior Entrada: https://lesfarturesast.blogspot.com/2017/09/Aramar.html



Comentarios: Esti Agostu foi imposible averase a Aramar, daba igual que fuera fin de selmana o ente selmana, pa comer o pa cenar. Siempres taba llenu. Y allegrámonos un montón por ellos, anque les cares d'escosamientu dacuando pidan un respiru.


Por eso averamos en setiembre a cenar ente selmana, que taba tou muncho más calmáu, a esfrutar de les sos novedaes na carta y nel chinringuito.

La zona de terraza amplióse y ye tou un aciertu, pa nun entemecer ambientes. Añedieron un aislante nel teyáu y un zarru na zona de restorán pa evitar l'aire frío y los díes d'agua.


Esta vegada decidimos cenar con cócteles. La estrella la casa sigue siendo la sidra, pero quixímos probar daqué distintu. Empezamos con un Gin Mandarín, duce y amargosu, toque cítricu total y perfectu cola comida.


Tamién probemos un Tom Collins, xinebra con zusmiu de límón. Ácidu y amargosu. Tamién perfectu pa cenar.

Pa comer, decidimos probar los sos platos nuevos de temporada. Los clásicos de la carta nun se toquen, pero siempres introducen dalgún platu onde Marcos puede xugar cola so creatividá.


Anguaño, el platu más sorprendente, qu'o te presta o odies, ye la Terrina de Foie de Pixín con Mazana Asada. Mar pide mar, y esta terrina de foie de pixín güel y sabe a mar. Sabor intenso, que puedes anidiar con una compota de mazana asada y untar nun pan turrao que ta pa morrese. Ración enorme, perfecta pa 3 persones. A nós gustónos enforma. Amás, cola intensidá de los cócteles foi xenial.


Salpicón de Pixín y Gambón. Otra ración enorme pa dos persones, platu refrescante, con bonos cachos de pixín y gambón. Bien ricu.


Acabamos cola clásica Tarta de Quesu. Non podemos dir ensin probala. Ye una maravía.


Pal postre, pasamos a la Caipirinha de Fresa. Un toque duce cola cachaça.

Pagamos por tou 60,30€. Acepta Tickets Restaurant.


Como siempres, un espectáculu cenar con eses vistas, ver l'atapacer, la hora azul, alendar esa paz y esfrutar d'una cocina digna de grandes restoranes nun chiringu. Una suerte tener a Aramar. Tan abiertos hasta final de mes, yo que tu nun me lo perdía.

0 comentarios :

Publicar un comentario