Nueva Visita: Abrelatas

Señes: Ería del Hospital, 5 - La Pola Sieru

Teléfonu: 984 182 245

Web: http://www.abrelatas.info/
Facebook: https://es-es.facebook.com/abrelatas.restaurante
Twitter: [@abrelattas] https://twitter.com/abrelattas

Anterior Visita: https://lesfarturesast.blogspot.com/2017/11/nueva-visita-abrelatas.html
Calidá: 4/5
Preciu: 26€

Comentarios:  Parada na Pola a visitar a Borja un sábadu de nueche. Tuvimos qu'acutar porque'l llocal taba a españar. Da gustu ver esta rempuesta, anque ye lo normal yá que ye una cocina que fala por sigo sola.

Cenamos 4 persones,y pidimos pa picar al centru  la mesa. La idega yera probar una chuleta de vaca vieya de Sariegu (como nesta ocasión) pero ... escaecióseme acutar y yá nun quedaba. Asi que punximos en manos de Borja pa que nos encamentara.

Empezamos d'aperitivo con una Mantequilla Artesana de Sariegu con un toque duce. Bien rica, anque contuvimos porque'l pan empezó a volar. Lleva un toque d'almíbar.

Cecina de Vaca Casina de Sariegu con Aceite d'Oliva Koroneiki Virxe Extra. Espectacular. Intensa, con muncho sabor. Y xenial col aceite.

Virigüetos al Ayu-Picante. Formosos, presentaos en sartén y con un sabor buenísimo.

Oricios gallegos al natural. Nun sé si foi cosa nuesa, pero dionos la sensación que son menos intensos en sabor que los d'equí. Cuyarina, y a esfrutar d'un preste que nun se puede espresar con pallabres.

El mio platu favoritu de la nueche foi'l Pulpín del Pedreru de Tazones guisáu con Tocín Ibéricu Joselito, Ensaladilla de Pataca y Pimentón de la Vera y Crema Llixera de Pataca. Con esa crema que tanto nos prestó na paella que comimos otra vegada. Testures, sabor ... tou increíble. Platazu.

Probemos los Tallarines con Coneyu guisao al estilu de Mariluz y un pocu de Quesu Casín de trés rabilaes. P'amantes de sabores fuertes. El casin ... gana a tou. Asina que ye un platu pa los queseros.

Un Revueltu de Cogordes, indispensable si tamos en dómina d'elles. Tamién con una crema de pataca. Buenísimes.

Y a puntu d'españar, compartimos una Tarta de Turrón de Mariluz. Amiestu de testures cruxentes y de mousse .... que ta increíble.

Pa beber, unes botelles de Viña Calera Verdejo 2016. Cumplió, pero poco más. Tienen meyores opciones na so carta de vinos.

Salimos a 26€ per cabeza. Como veis, relación calidá-preciu inmeyorable. Borja, Mary Lluz yá'l so Abrelatas, nunca defrauden.