Publicidá

Blog Archive

Contact Me

Nombre

Correo electrónico

Mensaje

Hover Setting

default

Nueva Visita: La Calenda

Señes: Plaza Carbayu, 4 Avilés
Teléfonu: 985 564 369


Calidá: 4/5
Preciu: 30€


Anterior Visita: https://lesfarturesast.blogspot.com/2017/12/nueva-visita-la-calenda.html


Comentarios: Ún de los nuesos sitios favoritos, y más si hai bonitu pol mediu. Jose Manuel Sierra tien una mano especial pa tratalo.


Yá vos comentamos más vegaes qu'ún de los sos atractivos ye l'allugamientu. En plenu barriu Sabugu, na plaza'l Carbayu, con una capiya medieval y cais piatonales. Ún de los sitios con más ambientes d'Avilés, con terraza cuando se puede, con crios pela cai ... Amás, La Calenda ye una antigua casa iguada de dos plantes, a cada cual más preciosa.


Na parte de baxo, en madera y piedra, la zona pa tomar vinos. Barra amplia, meses altes y dalguna mesa baxa. Ambiente precioso de chigre y pizarres con una esbilla prestosa de vinos. Una de meyores d'Avilés.

Xubiendo per unes escaleres, el comedor, cola cocina semiabierta nun estremu, y un balcón nel otru con unes vistes escontra la plaza. Meses amplies de madera. El comedor ye preciosu.


Pa comer, una carta curtia basada nes sos famoses Calendas. Tables de carne o pexe, con llechuga y pataques frites bien fines, a perbon preciu y que tán mui bones.

Pero'l secretu del restorán ye'l so bloc de notes. Los sos "fora de carta", onde, según el productu frescu qu'haya, Sierra va ellaborando. Siempres primando'l productu. Y si hai bonitu, tenéis que probalo.


Cenamos 4 persones. Empezamos con unos Espárragos rellenos d'Anchoes y Mueyu de Oricios. Ún per cabeza. Perbonu. L'amiestu del mueyu col saláu de l'anchoa y la xugosidá del espárragu queden mui bon.


Carpaccio de Bonitu. Finu, senciellu y refrescante col aceite. Perfectu de mano.

De platos principales,


Calamares na to Tinta. Nun los probé, pero volaron. Dixeron que taben perbonos.


Tartar de Bonitu. Bien bonu. Ún de los platos que más me presten. Xugosu, con dalgún toque cítricu. Mui ricu.


Cachopu de carne. Ún de los mios sitios favoritos pa comer cachopu (y de los más desconocíos). Xugosu, con una carne que desfai, con bon rellenu y perfectu de tamañu. Nin mui grande nin mui pequenu.


Y la sorpresa ye'l Cachopu de Bonitu. De los pocos sitios onde lo faen. Bonos filetes de bonitu, rellenos. A mi gústame más inda qu'el de carne. Esceicional.

Nun llegamos a los postres, anque son caseros y tán bien bonos.


Pa beber, Coto de Hayas 2013. Syrah y Garnacha pa un 89/100 na guía peñín. Ta bien ricu.


Pagamos 55€. Como veis, sitiu preciosu y precios bien baratos.


No hay comentarios

Publicar un comentario