Nueva Visita: Padrino

Señes: Calle Santa Elena, 5 , Xixón

Teléfonu: 985 35 37 62

Web: http://www.padrinorestaurante.com/
Facebook: https://www.facebook.com/IlPadrinoComidaSobreMasa/
Twitter: [ @ilpadrinogijon ] https://twitter.com/ilpadrinogijon

Instagram: [@padrino_comida_sobre_masa] https://www.instagram.com/padrino_comida_sobre_masa

Anterior Visita: http://www.lesfartures.com/2016/02/il-padrino.html

Calidá: 4/5

Preciu: 25€

Padrino nun ye una pizzería al usu, ye un conceutu distintu, anque les pizzes -o comida sobro la masa, como ellos prefieren nomalo-, sía la base del so conceutu.

Asitiada en plenu centru de Xixón, nuna cai mui cerca la Casa Conceyu, ye un local medianu, con una zona de barra a la izquierda, y la cocina abierta al fondu.

Meses espaciaes, decoración bien guapa, y, sobremanera, atención de primera. Tamy y Mersa consiguen que teas como na casa, y nun ye habitual. Reserva, porque cuesta atopar mesa.

Cenamos 3 persones, y pidimos una pizza per cabeza. Les pizzes tienen una base bien fina y cruxente espectacular. Distintu al conceutu de pizza napolitanu. Remacho, distintu. Nun ye una comparanza. A mi encántame, porque la testura cruxente da muncho xuegu pa probar y esperimentar. Y consiguenlo.

Empezamos con una Hummus d'Aguacate y Trufa Fresca. Y lleva trufa de verdá, y de la bona. Xenial la base de garbanzos, col cruxente de la masa y la nuez. Enfresca y sabe a trufa. Xenial.

Ras el Hanout. Crema de calabaza, corderu, oreyones y cebolla encurtido caramelizao. Mozzarella de búfala 100%, pistachu, romeru frescu, aove y crema de ras el hanout. Tien de too, toque duce cola calabaza, los oreyones y la cebolla caramelizao. El corderu apurriendo intensidá, yá'l romeru yá'l ras el hanout dando un toque exóticu a la pizza. Distinta pero mui rica.

Inda meyor que l'anterior, y mira que taba rica, eh?

La mio favorita de la nueche, anque foi complicáu decidise. Callos, Pataca y Güevu. Espectacular. ¿Una pizza de callos? ¿Y por qué non? Sabe a callos, pero ye nidia, con un güevu metanes la pizza, y pataques frites arrodiándola.

Hai que probala.

Como extra, pa que la probáramos, traxéronnos media pizza de Pulpu. Yá ye un clásicu de la casa y ta bonísima. Carpaccio de pulpu con pimentón de la vera y aceite d'oliva. Xenial.

A puntu d'españar, encamentáronnos probar los sos postres. Pidimos so Tiramisú, que ye espectacular, de los meyores que probemos nunca.

Y como extra, traxéronnos los Figos Confitaos. Bien ricos, duces

Y otru postre que me prestó, Milfueyes de Requesón y Asturcilla. Espectacular. El Milfueyes ye de la Pastelería Argüelles yá'l toque cola asturcilla ... xenial.

Pa beber Socarrada de Romero y Miel de Romero. Nun va pasar a la posteridá. Y agua.

En curtios, va haber novedaes con Mimmö, pero yá vos les vamos cuntar.

Pagamos 25€ per cabeza. Gran sitiu, arriesgando, faciendo coses distintes, y apurriendo un plus cada vez que vamos. Salimos encantaos del Padrino.