Twitter: [ @tabla_la] https://twitter.com/tabla_la
Instagram: [@restaurantelatabla] https://www.instagram.com/restaurantelatabla/
Fai pocutiempu falámosvos de la visita que nos fixeron dellos llagareros americanos a Asturies pa papase de la nuesa cultura sidrera. Y gustó-yos tanto, qu'entamaron otru viaxe de la mano de Cider Tour Of Spain. Percuerren llagares, chigres, pomaraes y conseyos reguladores pa tener una formación intensiva y aplicala na so sidra de vuelta.
Dientro d'esti viaxe, y cola organización de Guerrilla Imports, axuntáronnos nel restorán La Tabla a dellos llagareros y distintes persones rellacionaes col mundu de la sidra pa realizar una xornada de trabayu alredor de la sidra onde pudiéramos intercambiar opiniones y, sobremanera, cultura sidrera.
Primero de forma común, presentáronnos l'asociación de llagareros de Nueva York y les actividaes qu'entamen ellí. Los tipos de sidra qu'ellaboren y de mazana que llanten, mientres ufiertaben una degustación de sidra americano, y La Tabla allantábanos colos sos increíbles aperitivos (esos carambelos de morciella son difíciles d'escaecer).
Darréu, sentámonos a la mesa de trabayu, onde, asturianos y americanos entemecíos pudimos intercambiar información de primera mano. Qué problemes tienen nel so día a día, qué necesidaes tienen, cuálos son los sos principales competidores, y, la so entruga recurrente, qué tienen de faer pa instaurar la cultura sidrera asturiana n'EEXX.
Y ye que ye necesaria siempres la visión que tienen de nós dende fora pa valorar lo que tenemos na casa. Asina de murniu ye. Y la sidra asturiano ye la más valorada nel mundu. Los llagareros asturianos, pal restu los llagareros, son una especie d'alquimistes guardianes d'una tradición ancestral que ven con muncha enveya. Y la sociedá asturiana, un oasis sidreru mundial onde amen el so productu y valórase, calteniendo viva la tradición del escanciáu. Y toos aspiren a consiguir daqué asemeyáu.
Sí que-yos choca'l pocu sofitu institucional que fai que sía más visible la sidra del País Vascu, anque tocantes a calidá, y siendo políticamente correctos, almitíen que nun hai color. Tamién-yos topeta enforma qu'Asturies nun sía un país ricu que monte la so economía alredor de la sidra, yá que n'EEXX, pequeños llagares son vidables económicamente por cuenta que la sidra consúmese como una bébora premium
Mientres calteníamos un diálogu enriquecedor, La Tabla allantónos con una Degustación d'arroz con cigalitas y ayos tienros con panceta, buenísima.
Orchard Hill Sparkling Cider Medium Dry. Métodu champanoise pa una sidra semiseca, con un toque duce a la fin. Rica y refrescante, pero fálta-y cuerpu.
Camudamos a Orchard Hill Hard Cider. Brut nature con doble fermentadura na botella ensin penerar. Entemecen mazana nueva y vieya y da un toque más complexu que l'anterior. Sigue faltando cuerpu, pero ta más rica.
Y una Carrillera de xata con migues, parmentier al cardamomo y mazana, que taba espectacular.
De postres, Cruxente de nuez y cremosu con mazana escabechada en sidra. Mui bonu.
Finamos con esta Burr Knot de Treasury Cider. De NY. Seca y ensin penerar. Mui rica. Anque visualmente menos curiosa al nun tar penerada.
Y el mio postre favoritu, Sushi d'arroz con lleche, xel de Llima-Llimón y xeláu de canela.
Onde pudimos comprobar que l'alta cocina y la sidra peguen dafechu, y que ye otru gran puntu a esplotar nos nuesos restoranes.
A la fin de la comida, toles meses punximos de mancomún les nueses conclusiones, dende'l puntu de vista americanu y dende l'asturianu. Y como gran conclusión, amás d'un intercambiu cultural maraviyosu, foi la gran pasión pola sidra como forma de vida que se vivió nesi alcuentru, y l'autu refuerzo ente distintes persones dedicaes a la sidra que supunxo cuntar les sos esperiencies.
De xuru qu'estes son les bases d'una gran relación y de un gran mercáu que s'abre, onde sí se nos valora, como ye l'americanu. Munches gracies a Edu, Antonio y Begoña, que fixeron qu'esti alcuentru fora posible.
Fai pocutiempu falámosvos de la visita que nos fixeron dellos llagareros americanos a Asturies pa papase de la nuesa cultura sidrera. Y gustó-yos tanto, qu'entamaron otru viaxe de la mano de Cider Tour Of Spain. Percuerren llagares, chigres, pomaraes y conseyos reguladores pa tener una formación intensiva y aplicala na so sidra de vuelta.
Dientro d'esti viaxe, y cola organización de Guerrilla Imports, axuntáronnos nel restorán La Tabla a dellos llagareros y distintes persones rellacionaes col mundu de la sidra pa realizar una xornada de trabayu alredor de la sidra onde pudiéramos intercambiar opiniones y, sobremanera, cultura sidrera.
Primero de forma común, presentáronnos l'asociación de llagareros de Nueva York y les actividaes qu'entamen ellí. Los tipos de sidra qu'ellaboren y de mazana que llanten, mientres ufiertaben una degustación de sidra americano, y La Tabla allantábanos colos sos increíbles aperitivos (esos carambelos de morciella son difíciles d'escaecer).
Darréu, sentámonos a la mesa de trabayu, onde, asturianos y americanos entemecíos pudimos intercambiar información de primera mano. Qué problemes tienen nel so día a día, qué necesidaes tienen, cuálos son los sos principales competidores, y, la so entruga recurrente, qué tienen de faer pa instaurar la cultura sidrera asturiana n'EEXX.
Y ye que ye necesaria siempres la visión que tienen de nós dende fora pa valorar lo que tenemos na casa. Asina de murniu ye. Y la sidra asturiano ye la más valorada nel mundu. Los llagareros asturianos, pal restu los llagareros, son una especie d'alquimistes guardianes d'una tradición ancestral que ven con muncha enveya. Y la sociedá asturiana, un oasis sidreru mundial onde amen el so productu y valórase, calteniendo viva la tradición del escanciáu. Y toos aspiren a consiguir daqué asemeyáu.
Sí que-yos choca'l pocu sofitu institucional que fai que sía más visible la sidra del País Vascu, anque tocantes a calidá, y siendo políticamente correctos, almitíen que nun hai color. Tamién-yos topeta enforma qu'Asturies nun sía un país ricu que monte la so economía alredor de la sidra, yá que n'EEXX, pequeños llagares son vidables económicamente por cuenta que la sidra consúmese como una bébora premium
Mientres calteníamos un diálogu enriquecedor, La Tabla allantónos con una Degustación d'arroz con cigalitas y ayos tienros con panceta, buenísima.
Orchard Hill Sparkling Cider Medium Dry. Métodu champanoise pa una sidra semiseca, con un toque duce a la fin. Rica y refrescante, pero fálta-y cuerpu.
Camudamos a Orchard Hill Hard Cider. Brut nature con doble fermentadura na botella ensin penerar. Entemecen mazana nueva y vieya y da un toque más complexu que l'anterior. Sigue faltando cuerpu, pero ta más rica.
Y una Carrillera de xata con migues, parmentier al cardamomo y mazana, que taba espectacular.
De postres, Cruxente de nuez y cremosu con mazana escabechada en sidra. Mui bonu.
Finamos con esta Burr Knot de Treasury Cider. De NY. Seca y ensin penerar. Mui rica. Anque visualmente menos curiosa al nun tar penerada.
Y el mio postre favoritu, Sushi d'arroz con lleche, xel de Llima-Llimón y xeláu de canela.
Onde pudimos comprobar que l'alta cocina y la sidra peguen dafechu, y que ye otru gran puntu a esplotar nos nuesos restoranes.
A la fin de la comida, toles meses punximos de mancomún les nueses conclusiones, dende'l puntu de vista americanu y dende l'asturianu. Y como gran conclusión, amás d'un intercambiu cultural maraviyosu, foi la gran pasión pola sidra como forma de vida que se vivió nesi alcuentru, y l'autu refuerzo ente distintes persones dedicaes a la sidra que supunxo cuntar les sos esperiencies.
De xuru qu'estes son les bases d'una gran relación y de un gran mercáu que s'abre, onde sí se nos valora, como ye l'americanu. Munches gracies a Edu, Antonio y Begoña, que fixeron qu'esti alcuentru fora posible.
No hay comentarios
Publicar un comentario