Nueva Visita: Prida

Señes: Cai La Colegiata, 12 - Nava
Teléfonu: 985 717 345

Calidá: 3/5
Preciu: 20€

Facebook: https://www.facebook.com/saul.moropalacio/
Anterior Visita: https://lesfarturesast.blogspot.com/2017/10/prida.html

Comentarios: Volvimos a Prida, una de les meyores opciones pa comer en Nava. Sidrería clásica un poco apartada del centru (anque sigue tando mui cerca a pie), y mui cerca de llagares colos que puedes alcordar visita.

Zona amplia de barra, con meses pa tomar unos culetes. Y una zona de comedor tras.

Cocina tradicional asturiana, coincidiónos esi fin de selmana'l festival de la tapa de Nava, y punxéronnos una tapa de pote asturianu col so compangu que taba bien rica.

Pa comer, pidimos pa compartir una Sartén de Pixín y Gambes. Bien rica.

La Madreña d'Adobu con Patates ye un indispensable de la casa. Presentación bien orixinal d'un platu senciellu, pero realmente bonu. Una cantidá enorme, amás.

Y acabamos con un Cachopu de Quesu de Cabra y Cecina con Xata IGP Asturiana mui, mui bonu. Bona cantidá y acompañáu de pataques y llechuga.

A los postres nun llegamos. Y pa beber, 4 palos distintos de Sidra, con Sidra Denominación de Orígen inluída. Nós tomamos Viuda de Angelón.

Salimos a unos 20€ per cabeza. Como veis, una relación calidá-preciu estupenda.