Llagar La Morena

Señes: Altu de Viella, s/n - Sieru

Teléfonu: 985 263 944

Aconseyamos: Sidra y a Esfrutar

Web: http://www.llagarlamorena.com/
Facebook: https://www.facebook.com/llagarlamorena
Twitter: [@llagarlamorena] https://twitter.com/llagarlamorena
Instagram: [@llagarlamorena] https://www.instagram.com/llagarlamorena/

Calidá: 3/5

Preciu: 40€

Comentarios: Preciosu llagar na zona Viella. Ta a 5min de Llugones, pero lo meyor ye que pongas el GPS y vaigas, porque ta un pocu enrevesáu de llegar. Eso sí, cuando llegues, paga la pena.

Ampliu aparcamientu, con vistes a Sieru. Tien una terraza bien grande que merez enforma la pena nos díes de sol. Ello ye que ye ún de los puntazos del llocal.

Otru, ye la so decoración. Antigua casa de piedra y madera, con un antiguu llagar y barriques de sidra presidiendo'l local a entrambos llaos. Al fondu, amplia barra.

Y pasando a la parte de tras, otru salón enorme con un horru interior na zona la barra.

Ambiente de chigre. El llocal ye grande, pero asegúrovos que s'enllena. Asina qu'acutái.

Tienen llagar propiu de sidra. Y ellaboren una de les sidres con más sonadía d'Asturies. Ello ye que van collechando dellos premios, ente ellos, la so sidra Prado y Pedregal (tranquilos, Prado ye un apellíu) ganó'l premiu a la meyor sidra Denominación d'Orixe 2017.

Tienen dos variedaes de sidra. La Morena, la so sidra natural. Y la mentada, Prado y Pedregal, la so Sidra Denominación d'Orixe ellaborada namás  con variedaes asturianes. El llagar ta na zona baxa del edificiu y podéis dir a visitalu acutando primeramente.

Sentámonos a cenar dos persones, pidimos unos Bocartes. Bien ricos. Bona ración amás.

Una Tortiella, en tamañu pequenu (anque ye más bien medianu). Ún de los puntos fuertes de la so cocina. Perbona.

Y acabamos con un Chuletón de Trasacar.

Acompañáu d'unos pimientos confitaos. Bona chuleta, al puntu, onde se ven los 3 colores, a pesar de nun tener brasa.

Chivenmos que la Fabada ye otru de los indispensables del llocal.

Bona opción de llagar con cocina na zona centro. Perbona sidra, y perfectu amiestu pa picar. Gustónos.

Pagamos 83€. Teniendo en cuenta qu'el chuletón namás costó 40€. Un pocu caru. Pa beber, alternamos La Morena, con Prado y Pedregal.